ନୂଆଦିଲ୍ଲୀ: ଲାଞ୍ଚ ମାମଲାରେ ସିବିଆଇର ପୂର୍ବତନ ନିର୍ଦ୍ଦେଶକ ରାକେଶ ଆସ୍ଥାନାଙ୍କୁ ଶନିବାର ଆଶ୍ବସ୍ତି ମିଳିଛି । ରାକେଶ ଆସ୍ଥାନା ଏବଂ ଡିଏସପି ଦେବେନ୍ଦ୍ର କୁମାରଙ୍କୁ କ୍ଲିନଚିଟ ଦେଇଛନ୍ତି ଦିଲ୍ଲୀର ବିଶେଷ ଅଦାଲତ । ଉଭୟଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ନଥିବାରୁ ସେମାନଙ୍କୁ କ୍ଲିନଚିଟ ଦିଆଯାଇଥିବା ନ୍ୟାୟାଧୀଶ ସଞ୍ଜୀବ ଅଗ୍ରୱାଲ ନିଜ ଆଦେଶରେ କହିଛନ୍ତି ।
ଆସ୍ଥାନା ଏବଂ କୁମାରଙ୍କୁ 2018 ରେ ଗିରଫ କରାଯାଇଥିଲା । ପରେ ସେମାନଙ୍କୁ ଜାମିନ ମଧ୍ୟ ପ୍ରଦାନ କରାଯାଇଥିଲା । ତେବେ ଏହି ମାମଲାରେ ଉଭୟଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ନଥିବାରୁ ସେମାନଙ୍କୁ କ୍ଲିନଚିଟ ଦେବାକୁ ଗତ ଫେବୃଆରୀ 11 ତାରିଖରେ କୋର୍ଟରେ ଏକ ଚାର୍ଜସିଟ ଦାଖଲ କରିଥିଲା ସିବିଆଇ । ଯାହାକୁ ଶନିବାର କୋର୍ଟ ଗ୍ରହଣ କରିଛନ୍ତି ।
ହାଇଦ୍ରାବାଦର ବ୍ୟବସାୟୀ ସତୀଶ ସାନାଙ୍କ ଅଭିଯୋଗ ଆଧାରରେ ସିବିଆଇ ଆସ୍ଥାନାଙ୍କ ବିରୋଧରେ ଏହି ମାମଲା ରୁଜୁ କରିଥିଲା ।
@IANS
