ଲକ୍ଷ୍ନୌ: ପିତୃତ୍ବକୁ ସ୍ନେହ ଆଉ ଭଲ ପାଇବାର ଆବଶ୍ୟକତା ରହିଛି, ଡିଏନଏର ନୁହେଁ । ଏହିଭଳି କହିଛନ୍ତି ସ୍ପେନର ଦମ୍ପତ୍ତି । ଗତ 3 ବର୍ଷ ପୂର୍ବେ ସେମାନେ ଏକ ସନ୍ତାନ ପାଇଁ ଅନେକ ପ୍ରୟାସ କରିଛନ୍ତି । ଆଉ ଏବେ ତାଙ୍କର ଅପେକ୍ଷା ଆଉ ସମସ୍ତ ଚେଷ୍ଟାର ଅନ୍ତ ଘଟିଛି ।
ସୂଚନାମୁତାବକ, ସ୍ପେନର ମାରକସ ଏଣ୍ଟୋନିଓ ଗୋମେଜ ଓ ମାରିୟା ଲୁସିୟା କାଲଭୋଡେଲ ଏକ ସନ୍ତାନ ପାଇଁ ଭାରତରେ ଆସି ପହଞ୍ଚିଥିଲେ । ଉତ୍ତରପ୍ରଦେଶର ସୀତାପୁରରୁ ଏକ 7 ବର୍ଷର ପୁଅକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଛନ୍ତି । ତେବେ ସମସ୍ତ ଦରକାରୀ ପ୍ରକ୍ରିୟା ପୁରା କରି କାର୍ତ୍ତିକକୁ ନିଜର ପୁଅ ଭାବେ ସେମାନେ ପାଇ ବହୁତ ଖୁସିଥିବା କହିଛନ୍ତି । ସେମାନେ କାର୍ତ୍ତିକକୁ ନିଜ ସହ ତାଙ୍କ ଘରକୁ ନେଇଯାଇଛନ୍ତି ।
ଭିଡିଓ ସୌଜନ୍ୟ: ବ୍ୟୁରୋ ରିପୋର୍ଟ, ଇଟିଭି ଭାରତ
କାର୍ତ୍ତିକ ଜନ୍ମ ହେବାର ଅଳ୍ପ ଦିନ ପରେ ସେ ତାର ବାପା ମାଆକୁ ହରାଇଥିଲା । ଆଉ ତାର ପାଳନ ପୋଷଣ ସୀତାପୁରରେ ଥିବା ବାଲାଜୀ ବିଦ୍ୟାମନ୍ଦିରରେ ହୋଇଛି ।
