ଲକ୍ଷ୍ମୌ: ଦେଶରେ ନାଗରିକତା ସଂଶୋଧନ ଆଇନ(ସିଏଏ)କୁ ନେଇ ବିକ୍ଷୋଭ ଜାରି ରହିଛି । ଅନେକ ସ୍ଥାନରେ ଏହା ଉଗ୍ର ହିଂସାର ରୂପ ଧାରଣ କରିଛି । ୟୁପିରେ ଏହାର ପ୍ରଭାବ ସବୁଠାରୁ ଅଧିକ ଦେଖିବାକୁ ମିଳିଥିଲା । ଏବେ ସିଏଏ ବିରୋଧ ପ୍ରଦର୍ଶନ ସମୟରେ ପ୍ରାଣ ହରାଇଥିବା ପରିବାକୁ 5 ଲକ୍ଷ ଟଙ୍କା ଲେଖାଏ ସହାୟତା ଦେବା ପାଇଁ ଘୋଷଣା କରିଛି ସମାଜବାଦୀ ପାର୍ଟି(ଏସପି) । ଏନେଇ ଅଧ୍ୟକ୍ଷ ଅଖିଳେଶ ଯାଦବ ଟ୍ବିଟ କରି ସୂଚନା ଦେଇଛନ୍ତି ।
ରବିବାର ଏସପି ଅଧ୍ୟକ୍ଷ ଅଖିଳେଖ ଯାଦବ ହିଂସାରେ ପ୍ରାଣ ହରାଇଥିବା ମହମ୍ମଦ ୱକିଲଙ୍କ ପରିବାର ବର୍ଗଙ୍କୁ ଭେଟିଛନ୍ତି । ହିଂସାରେ ବିରୋଧ ପ୍ରଦର୍ଶନ ସମୟରେ ପ୍ରାଣ ହରାଇଥିବା ପ୍ରତ୍ୟେକଙ୍କୁ 5-5 ଲକ୍ଷ ଲେଖାଏ ଟଙ୍କା ପ୍ରଦାନ କରିବା ପାଇଁ ଘୋଷଣା କରିଛନ୍ତି ।
ଏଠାରେ ସୂଚନା ଯୋଗ୍ୟ ଯେ, ଗତ ବର୍ଷ 19 ଡିସେମ୍ବରରେ ସିଏଏ ବିରୋଧ ପ୍ରଦର୍ଶନ ସମୟରେ ହିଂସା ସମୟରେ ମହମ୍ମଦ ୱକିଲ ପ୍ରାଣ ହରାଇଥିଲେ ।
