ବେଙ୍ଗାଲୁରୁ: କୋରୋନା ଚିହ୍ନାଉଛି ମଣିଷ ପଣିଆ । କୁହାଯାଏ ବାପାର ଦେହାନ୍ତ ହେଲେ ମୁଖାଗ୍ନିଠୁ ଆରମ୍ଭ କରି ସମସ୍ତ କର୍ମରେ ପୁଅର ଖୋଜା ପଡିଥାଏ । ହେଲେ ନିକଟରେ କୋରୋନା ସଂକ୍ରମିତ ବାପାର ମୃତ୍ୟୁରେ ପୁଅ ଅନ୍ତିମ ସତ୍କାର କରିବାକୁ ମନା କରିଦେଇଛି । ଏଭଳି ଏକ ଯନ୍ତ୍ରଣାଦାୟକ ଦୃଶ୍ୟ ଦେଖିବାକୁ ମିଳିଛି ବେଙ୍ଗାଲୁରୁରେ ।
ଜଣେ ବ୍ୟକ୍ତି ଯିଏ ହସ୍ପିଟାଲରେ କୋରୋନାରୁ ମୃତ୍ୟୁବରଣ କରିଥିଲେ ଏବଂ କୋରୋନା ସଂକ୍ରମଣର ହେତୁ ତାଙ୍କ ପୁଅ ସହରର ଡାକ୍ତରଖାନାରୁ ଅନ୍ତିମ ସଂସ୍କାର କରିବାକୁ ମୃତଦେହ ନେବାକୁ ସଫା ସଫା ମନା କରିଦେଇଥିଲେ । ବେଙ୍ଗାଲୁରୁର ଚାମରାଜନଗରର ବାସିନ୍ଦା କେ.ସି କୁମାର ନିଶ୍ୱାସ ପ୍ରଶ୍ୱାସ ସମସ୍ୟାର ସମ୍ମୁଖୀନ ହେବା ପରେ ତାଙ୍କୁ କିମ୍ସରେ ଭର୍ତ୍ତି କରାଯାଇଥିଲା । ଜୁଲାଇ 13ରେ ସେ ମୃତ୍ୟୁବରଣ କରିଥିଲେ ।
କୁମାରଙ୍କ ପୁଅ 1.5 ଲକ୍ଷ ଟଙ୍କା ବିଲ୍ ହସ୍ପିଟାଲରେ ପୈଠ କରିଛନ୍ତି । କିନ୍ତୁ ବାପାଙ୍କ ମୃତଦେହକୁ ନେବାକୁ ମନା କରିଦେଇଛନ୍ତି । ଏପରିକି ହସପିଟାଲ କର୍ତ୍ତୃପକ୍ଷ ବାରମ୍ବାର ଫୋନ କରିବାରୁ ତାଙ୍କ ନମ୍ବର ବ୍ଲକ କରିଦେଇଛନ୍ତି । ଦୀର୍ଘ 22 ଦିନ ଅପେକ୍ଷା ପରେ ହସପିଟାଲ କର୍ତ୍ତୃପକ୍ଷ ମୃତ କେ.ସି କୁମାରଙ୍କର ଅନ୍ତିମ ସତ୍କାର କରିଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
