ଲଣ୍ଡନ: ଅନୀଲ ଧିରୁଭାଇ ଅମ୍ବାନୀ ଗ୍ରୁପର ଚେୟାରମ୍ୟାନ୍ ତଥା ବିଶ୍ବର ଶୀର୍ଷ ଧନୀକ ଲିଷ୍ଟରେ ଆସୁଥିବା ଅନୀଲ ଅମ୍ବାନୀ ଏବେ ଋଣ ଭାରରେ ଚାପଗ୍ରସ୍ତ । ଏପରିକି ଚୀନ ବ୍ୟାଙ୍କ ଋଣ ମାମଲାରେ ଓକିଲଙ୍କୁ ଫିସ ଦେବା ପାଇଁ ସେ ଗହଣା ବିକ୍ରି କରୁଛନ୍ତି ବୋଲି ୟୁକେ କୋର୍ଟକୁ ସ୍ପଷ୍ଟ କରିଛନ୍ତି ।
ରିପୋର୍ଟ ଅନୁସାରେ ଅନୀଲ ଅମ୍ବାନୀ ଜାନୁୟାରୀରୁ ଜୁନ୍ ମାସ ମଧ୍ୟରେ ନିଜର 9.9 କୋଟି ଟଙ୍କାର ଅଳଙ୍କାର ବିକ୍ରି କରିଛନ୍ତି । ଏଥିସହ ସେ ଜଣାଇଛନ୍ତି କି, ‘‘ ମୁଁ ଜଣେ ସାଧାରଣ ମଣିଷ, ଏବଂ ମୋ ପାଖରେ ମାତ୍ର ଗୋଟିଏ କାର ରହିଛି । ଏଣୁ ‘ରୋଲ୍ସ ରଏସ୍’ ( ବହୁ ମୂଲ୍ୟ ବ୍ରିଟିସ କାର) ରହିଥିବା ନେଇ ପ୍ରଚାର ନ କରିବାକୁ ସେ ଅପିଲ କରିଛନ୍ତି ।
ୟୁକେ କୋର୍ଟ ଜୁନ୍ 12ତାରିଖ ସୁଦ୍ଧା 716.9 ମିଲିୟନ ତଥା 5812 କୋଟି ଟଙ୍କା ଏବଂ 750 ମିଲିୟନ ତଥା 7 କୋଟି ଟଙ୍କା ଚୀନ ବ୍ୟାଙ୍କକୁ ପୈଠ କରିବାକୁ ନିର୍ଦ୍ଦେଶ ଦେଇଥିଲେ। ସେ 3ଟି ଚୀନ କମ୍ପାନୀ କମର୍ସିଆଲ ବ୍ୟାଙ୍କ ଅଫ୍ ଚାଇନା, ଚାଇନା ଡେଭଲ୍ପମେଣ୍ଟ ବ୍ୟାଙ୍କ ଓ ଏକ୍ଜିମ ବ୍ୟାଙ୍କ ଅଫ ଚାଇନାରୁ ବ୍ୟକ୍ତିଗତ ଗ୍ୟାରେଣ୍ଟି ସହ ମୋଟା ଅଙ୍କର ଋଣ ଆଣିଥିଲେ । ଆଉ ଏହାକୁ ପରିଶୋଧ ପାଇଁ ବ୍ରିଟେନ କୋର୍ଟ ନିର୍ଦ୍ଦେଶ ଦେଇଥିଲେ ସୁଦ୍ଧା ସେ ଏଥିପାଇଁ ସକ୍ଷମ ହୋଇପାରିନାହାଁନ୍ତି ।
