ପାକିସ୍ତାନୀ-ବାଂଲାଦେଶୀ ମୁସଲମାନଙ୍କୁ ଦେଶରୁ ବାହାର କରାଯାଉ: ଶିବସେନା

ଦେଶକୁ ଚାଲି ଆସିଥିବା ପାକିସ୍ତାନୀ ଏବଂ ବାଂଲାଦେଶୀ ମୁସଲମାନଙ୍କୁ ଭାରତରୁ ବାହାର କରାଯିବା ଦରକାର । ଏଥିରେ କୌଣସି ସନ୍ଦେହ ନାହିଁ । ଦଳୀୟ ମୁଖପତ୍ର ‘ସାମ୍ନା’ରେ ଏଭଳି ବୟାନ ରଖିଛି ଶିବସେନା ।

ନୂଆଦିଲ୍ଲୀ: ଭାରତକୁ ଚାଲି ଆସିଥିବା ପାକିସ୍ତାନୀ ଏବଂ ବାଂଲାଦେଶୀ ମୁସଲମାନଙ୍କୁ ଭାରତରୁ ବାହାର କରାଯିବା ଦରକାର । ଏଥିରେ କୌଣସି ସନ୍ଦେହ ନାହିଁ । ଦଳୀୟ ମୁଖପତ୍ର ‘ସାମ୍ନା’ରେ ଏଭଳି ବୟାନ ରଖିଛି ଶିବସେନା। ନାଗରିକତା ସଂଶୋଧନ ଆଇନ(ସିଏଏ) ଏବଂ ଜାତୀୟ ନାଗରକିତା ପଞ୍ଜିକା(ଏନଆରସି) ଆଦି ପ୍ରସଙ୍ଗରେ ରାଜନୈତିକ ବୟାନ ବାଜି ଜାରି ରହିଛି । ଏ ସମ୍ପର୍କରେ ଶିବସେନାର ବୟାନ ଆସିବା ପରେ ଏଥିରେ ଆଉ ଏକ ନୂଆ ଫର୍ଦ୍ଦ ଯୋଡି ହୋଇଛି । ବିଜେପି ନେତୃତ୍ବାଧିନ ଏନଡିଏ ମେଣ୍ଟରୁ ଅଲଗା ହେବା ପରେ ନାଗରିକତା ସଂଶୋଧନ ବିଲ ପାସ ହେବା ସମୟରେ ଶିବସେନା କେନ୍ଦ୍ର ମୋଦି ସରକାରକୁ ସର୍ମଥନ କରିଥିଲା । ଯାହା ଫଳରେ ଏହା ସଂସଦର ଉଭୟ ଗୃହରେ ପାରିତ ହୋଇ ପାରିଥିଲା ।