ନୂଆଦିଲ୍ଲୀ: ସାମ୍ବାଦିକଙ୍କ ଉପରକୁ ଗୁଳିମାଡ । ଗତ ଶନିବାର ବିଳମ୍ବିତ ରାତ୍ରିରେ ଦିଲ୍ଲୀର ଅଶୋକ ନଗରଠାରେ କିଛି ଦୁର୍ବୃତ୍ତ ଜମେ ସାମ୍ବାଦିକଙ୍କ ଉପରେ ଗୁଳିମାଡ କରିଛନ୍ତି ।
ସୂଚନା ଅନୁଯାୟୀ, ମୀତାଲି ଚଣ୍ଡୋଲା ନାମକ ଜଣେ ସାମ୍ବାଦିକ ନୋଏଡାର ଏକ ମିଡିଆ ଚ୍ୟାନେଲରେ କାମ କରନ୍ତି । ତେବେ ଗତ ଶନିବାର ବିଳମ୍ବିତ ରାତ୍ରିରେ ସେ ଫେରିବା ସମୟରେ ଧର୍ମଶିଳା ନାରାୟଣ ସୁପରସ୍ପେସିଆଲିଟି ମେଡିକାଲ ପାଖରେ କିଛି ଦୁର୍ବୃତ୍ତ ମୁଖା ପିନ୍ଧି ଆସି ପ୍ରଥମେ ତାଙ୍କ କାରକୁ ଅଣ୍ଡା ମାଡ କରିଥିଲେ । ଏହାପରେ ସେ ଗାଡି ନ ରୋକିବାରୁ ଦୁର୍ବୃତ୍ତମାନେ ତାଙ୍କ ଉପରକୁ ଗୁଳି ଚାଳନା କରିଥିଲେ । ତେବେ ହାତରେ ଓ କାନ୍ଧରେ ଗୁଳି ବାଜିଥିବା ବେଳେ ଗୁରୁତର ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା ।
ଏପରେ ଡେପୁଟି କମିଶନର ଜମସିତ୍ ସିଂ ଙ୍କ ଅନୁଯାୟୀ, ସାମ୍ବାଦିକାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଏବେ ତାଙ୍କ ସ୍ବାସ୍ଥ୍ୟବସ୍ଥା ଠିକ୍ ଥିବା ବେଳେ ଘଟଣାର ଅଧିକ ତଦନ୍ତ ଜାରି ରହିଛି ।
