ପୁଣେ: କୋରୋନା ପାଇଁ ବନ୍ଦ ରହିବ ଶିରିଡ ସାଇ ମନ୍ଦିର । ଆଜି ଦିନ 3 ଟା ଠାରୁ ମନ୍ଦିର ବନ୍ଦ ରହିବ ବୋଲି ଶ୍ରୀ ସାଇ ସଂସ୍ଥାନ ପକ୍ଷରୁ ସୂଚନା ମିଳିଛି ।
ସୂଚନା ଅନୁସାରେ, ପୂର୍ବରୁ ମନ୍ଦିରକୁ ଆସୁଥିବା ଭକ୍ତଙ୍କୁ ପରୀକ୍ଷା କରି ବାବାଙ୍କ ଦର୍ଶନ ପାଇଁ ଛଡାଯାଉଥିଲା । ଏହାସହ ଯେଉଁମାନେ ଥଣ୍ଡା ଓ କାଶରେ ପୀଡିତ ଥିଲେ ସେମାନଙ୍କୁ ଭିତରକୁ ପ୍ରବେଶ କରିବାକୁ ବାରଣ କରାଯାଉଥିଲା ।
କୋରୋନା ଭୟରେ ଅନିର୍ଦ୍ଧିଷ୍ଟ କାଳ ପାଇଁ ବନ୍ଦ ଶିରିଡ ସାଇ ମନ୍ଦିର
ବର୍ତ୍ତମାନ ସୁଦ୍ଧା ଭାରତରେ କୋରୋନା ଆକ୍ରାନ୍ତଙ୍କ ସଂଖ୍ୟା 117 ରହିଥିବା ବେଳେ ସାରା ବିଶ୍ବରେ ମୃତକଙ୍କ ସଂଖ୍ୟା 7 ହଜାର ଟପିଲାଣି । ତେବେ ପରିସ୍ଥିତିରେ ସୁଧାର ନଆସିବା ପର୍ଯ୍ୟନ୍ତ ଦର୍ଶନ ବନ୍ଦ ରହିବ ବୋଲି ସୂଚନା ମିଳିଛି ।
