ନୂଆଦିଲ୍ଲୀ: ଲୋକସଭା ନିର୍ବାଚନ ଲଢି ପାରନ୍ତି ଦିଲ୍ଲୀର ପୂର୍ବ ମୁଖ୍ୟମନ୍ତ୍ରୀ ତଥା ପ୍ରଦେଶ କଂଗ୍ରେସ ଅଧ୍ୟକ୍ଷ ଶୀଲା ଦିକ୍ଷୀତ । ଏନେଇ ଇଚ୍ଛା ପ୍ରକାଶ କରିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ତେବେ ଶୀଲା ଏପର୍ଯ୍ୟନ୍ତ କୌଣସି ସହମତି ପ୍ରକାଶ କରିନଥିବା ବେଳେ ବିଚାର ବିମର୍ଷ ପାଇଁ ସମୟ ମାଗିଛନ୍ତି । ନିଜ ପରିବାର ସହ ବିଚାର ବିମର୍ଷ କରିବା ପରେ ସେ କୌଣସି ନିଷ୍ପତି ନେବେ ବୋଲି କହିଛନ୍ତି ।
ତେବେ କଂଗ୍ରେସ ଦିଲ୍ଲୀ ଲୋକସଭା ଆସନ ପାଇଁ ଆଜି ନିଜ ପ୍ରାର୍ଥୀ ଘୋଷଣା କରିପାରେ । ଏଥିରେ ଶୀଲା ଦିକ୍ଷୀତଙ୍କ ନାମ ମଧ୍ୟ ରହିପାରେ ବୋଲି ଆଶଙ୍କା ପ୍ରକାଶ ପାଇଛି । ଯଦି ଶୀଲା ନିର୍ବାଚନ ଲଢିବାରେ ସହମତି ପ୍ରକାଶ କରନ୍ତି ତ କଂଗ୍ରେସ ତାଙ୍କୁ ଉତ୍ତର ଦିଲ୍ଲୀରୁ ନିର୍ବାଚନ ମୈଦାନରେ ଓହ୍ଲାଇବ ବୋଲି ଜଣା ପଡିଛି ।
