ନୂଆଦିଲ୍ଲୀ: କ୍ରିୟୁ ମେମ୍ବରଙ୍କୁ ଏୟାର ଇଣ୍ଡିଆର ତାଗିଦ । ପ୍ରତ୍ୟାବର୍ତ୍ତନ ସମୟରେ ୟୁନିଫର୍ମରେ ଥିବା ବେଳେ କୌଣସି ବି ବ୍ୟକ୍ତିଙ୍କ ସହିତ ଫଟୋ କି ଭିଡିଓ ଉତ୍ତୋଳନ କରିବାକୁ ସଫା ସଫା ମନା କରିଛି ଏୟାର ଇଣ୍ଡିଆ ।
ଏୟାର ଇଣ୍ଡିଆ ତରଫରୁ ଏପରି କୁହାଯାଇଛି ଯେ ସୋସିଆଲ ମିଡିଆ ସମେତ କୌଣସି ମିଡିଆରେ ଚିତ୍ର କିମ୍ବା ଭିଡିଓ ୟୁନିଫର୍ମରେ ପୋଷ୍ଟ କରିବା ଧାର୍ଯ୍ୟ ନିୟମର ଉଲ୍ଲଙ୍ଘନ ଅଟେ । କୌଣସି ବ୍ୟକ୍ତି ବିଶେଷ କିମ୍ବା କୌଣସି ସଂସ୍ଥା ସହ ନିଜ ସମ୍ବନ୍ଧୀୟ ବିବରଣୀ, ଫଟୋ, ଭିଡିଓ ବାଣ୍ଟିବା ପୂର୍ବରୁ ଏୟାର ଇଣ୍ଡିଆର ଅନୁମତି ନେବା ଆବଶ୍ୟକ ବୋଲି ଏକ ବିବୃତ୍ତିରେ କୁହାଯାଇଛି ।
ଯଦି କ୍ୟାବିନର କୌଣସି କ୍ରିୟୁ ମେମ୍ବର ଏପରି କିଛି କାର୍ଯ୍ୟକଳାପ ସହ ଜଡିତ ଥିବେ ତେବେ ତାଙ୍କ ବିରୋଧରେ ଶୃଙ୍ଖଳାଗତ କଡା କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି ।
