ପାଟନା: ବିହାରରେ କରାଳ ରୂପ ଧାରଣ କରିଛି ବନ୍ୟା । ରାଜ୍ୟରେ ଲଗାଣ ବର୍ଷା କାଳ ସାଜିଥିବା ବେଳେ ବନ୍ୟା ପରିସ୍ଥିତି ଉପୁଜିଛି । ତେବେ ଆଗାମୀ ସମୟରେ ମଧ୍ୟ ବର୍ଷା ହେବାକୁ ନେଇ ପାଣିପାଗ ବିଭାଗ ସତର୍କ କରାଇବା ପରେ ସମସ୍ତଙ୍କ ଛାତିରେ ଏବେ ଛନକା । କାରଣ ବନ୍ୟା ଯୋଗୁଁ ରାଜ୍ୟରେ 40 ଜଣଙ୍କର ମୃତ୍ୟୁ ହୋଇଛି । ତେବେ ରାଜ୍ୟର ଖଡଗପୁର କୃଷ୍ଣନଗର ଗାଁର ଏମିତି ଏକ ଦୃଶ୍ୟ ଯାହା ବୟାନ କରୁଛି କି ପ୍ରକୃତରେ ପ୍ରକୃତିର କେତେ କରାଳ ରୂପ । ତା ଆଗରେ ମନୁଷ୍ୟର ଶକ୍ତି ସାମର୍ଥ୍ୟ କିଛି ବି ନୁହେଁ ।
ଏହି ଦୃଶ୍ୟକୁ ଟିକିଏ ଭଲ କରି ଦେଖନ୍ତୁ, ଖଣ୍ଡ ମଣ୍ଡଳରେ କେହି ନାହାଁନ୍ତି । ଯୁଆଡେ ଆଖି ଯାଉଛି ଖାଲି ପାଣି ଆଉ ପାଣି । ତେବେ ଏହି ଚିତ୍ରକୁ ଟିକିଏ ନଜର ପକାନ୍ତୁ ବନ୍ୟା ହେବା ଫଳରେ ଏକ ଛାତ ଉପରେ ବୃଦ୍ଧ ଦମ୍ପତ୍ତି ଆଶ୍ରୟ ନେଇଛନ୍ତି । କେତେ ଭୟଙ୍କର ଏହି ଦୃଶ୍ୟ ଦେଖନ୍ତୁ ଭିଡିଓ...
ମରଣକୁ ନିଜ ଆଖିରେ ଦେଖିଛନ୍ତି ଏହି ବୃଦ୍ଧ ଦମ୍ପତ୍ତି । ତେବେ ଏହି ଗାଁରେ ବନ୍ୟା ଆସିବା ଫଳରେ 40 ପରିବାର ଘର ଦ୍ବାର ଛାଡି ସୁରକ୍ଷିତ ସ୍ଥାନକୁ ଚାଲିଯାଇଥିଲେ । ହେଲେ ବନ୍ୟା ପାଣିରେ ଫସି ରହିଥିଲେ ଏହି ଦମ୍ପତ୍ତି । ଏହାପରେ କିଛି ବାଟ ନପାଇ ନଖାଇ ନ ପିଇ ଛାତ ଉପରେ ଆଶ୍ରୟ ନେଇଥିଲେ । କେବଳ ସେତିକି ନୁହେଁ ନିଜ ଜୀବନକୁ ବାଜିରେ ଲଗାଇ ଗୃହପାଳିତ ପଶୁଙ୍କୁ ବି ନିଜ ସହ ଆଶ୍ରୟ ଦେଇଛନ୍ତି ବୃ୍ଦ୍ଧ ଦମ୍ପତ୍ତି ।
ଅନ୍ୟପଟେ ଘଟଣା ସମ୍ପର୍କରେ ଜଣାପଡିବା ପରେ ତାଙ୍କୁ ଉଦ୍ଧାର କରିବାକୁ ପ୍ରୟାସ ଜାରି ରହିଛି ।
