ଶ୍ରୀନଗର: କେନ୍ଦ୍ରଶାସିତ ଅଞ୍ଚଳ ଜାମ୍ମୁ ଓ କାଶ୍ମୀରରେ ରହସ୍ୟମୟ ବିସ୍ଫୋରଣ ନେଇ ଖବର ସାମ୍ନାକୁ ଆସିଛି । ଶନିବାର ବିଳମ୍ବିତ ରାତିରେ ରାଜୌରୀ ଜିଲ୍ଲାର ମାରିଆ ଚୌକିଆନ ଗାଁରେ ଏହି ବିସ୍ଫୋରଣ ଘଟିଥିବା ସୂଚନା । ଏହି ଘଟଣାରେ ଅନେକ କାର ନଷ୍ଟ ହୋଇଛି ।
ପୋଲିସ ଅଧିକାରୀଙ୍କ ସୂଚନା ଅନୁଯାୟୀ ଶନିବାର ରାତିରେ ରାଜୌରୀ ଜିଲ୍ଲାର ମାରିଆ ଚୌକିଆନ ନିକଟରେ ମଧ୍ୟମ ତୀବ୍ରତାର ବିସ୍ଫୋରଣ ଘଟିଥିଲା । ଏହି ଅଞ୍ଚଳରେ ଅନେକ କୋଠା ଘର ରହିଛି । ତେବେ କିଛି ଘରର କାନ୍ଥ ସମେତ ଏଠାରେ ଥିବା ଅନେକ କାର କ୍ଷତିଗ୍ରସ୍ତ ହୋଇଛି ବୋଲି କହିଛନ୍ତି ଏହି ଅଧିକାରୀ ।
କେହି ଜଣେ ବିସ୍ଫୋରକ ଏହି ସ୍ଥାନକୁ ଫିଙ୍ଗିଥିବା ଫଳରେ ଏହି ଏହି ଘଟଣା ଘଟିଥିବା ଅନୁମାନ କରାଯାଉଛି । ତେବେ ଘଟଣାକୁ ନେଇ ସୁରକ୍ଷାକର୍ମୀ ଅଧିକ ତଦନ୍ତ ଜାରି ରଖିଛନ୍ତି ।
