ଜମ୍ମୁ ଓ କାଶ୍ମୀର: ବାରମ୍ବାର ଅସ୍ତ୍ରବିରତି ଉଲ୍ଲଙ୍ଘନ କରୁଥିବା ପାକିସ୍ତାନକୁ କଡା ଜବାବ ଦେଇଛି ଭାରତ । ପାକିସ୍ତାନ ସେନାର 7ଟି ପୋଷ୍ଟକୁ ଭାରତୀୟ ସେନା ଧ୍ବଂସ କରିଦେଇଛି । ଭାରତୀୟ ସେନା ପକ୍ଷରୁ ପାକ୍ ସେନା ଉପରେ ଏହି ଆକ୍ରମଣ ହୋଇଛି ।
ସୂଚନାନୁସାରେ ରଜୌରି ଓ ପୁଞ୍ଚ ଜିଲ୍ଲା ସୀମାବର୍ତ୍ତୀ ଅଞ୍ଚଳକୁ ଲକ୍ଷ୍ୟ କରି ପାକିସ୍ତାନ ଯବାନଙ୍କୁ ଭାରତୀୟ ଯବାନ କଡା ଜବାବ ଦେଇଛନ୍ତି । ନିୟନ୍ତ୍ରଣ ରେଖାକୁ ଲାଗିଥିବା ପାକିସ୍ତାନର ସାତଟି ପୋଷ୍ଟକୁ ଧ୍ବଂସ କରିଦେଇଛି ଭାରତ । ଭାରତୀୟ ଯବାନଙ୍କ ଗୁଳିମାଡରେ ତିନି ଜଣ ପାକିସ୍ତାନ ଯବାନ ନିହତ ହୋଇଥିବା ସୂଚନା ରହିଛି । ତେବେ ସୀମାରେ ଏହି ଉତ୍ତେଜନାକୁ ଦୃଷ୍ଟିରେ ରଖି ରଜୌରି ଓ ପୁଞ୍ଚ ଜିଲ୍ଲା ସୀମାବର୍ତ୍ତୀ ଅଞ୍ଚଳକୁ ଲାଗି ରହିଥିବା ସ୍କୁଲକୁ ସୁରକ୍ଷା ଦୃଷ୍ଟିରୁ ବନ୍ଦ କରି ଦିଆଯାଇଛି ।
ଉଲ୍ଲେଖଯୋଗ୍ୟ ଯେ ଲଗାତାର କିଛିଦିନ ଧରି ପାକିସ୍ତାନ ପକ୍ଷରୁ ଅସ୍ତ୍ରବିରତି ଉଲ୍ଲଙ୍ଘନ କରାଯାଉଛି । ପୁଞ୍ଚ ଜିଲ୍ଲାରେ ନିୟନ୍ତ୍ରଣ ରେଖାରେ ପାକିସ୍ତାନ ସେନା ପକ୍ଷରୁ ସୋମବାର କରାଯାଇଥିବା ଗୁଳି ବିନିମୟରେ ବିଏସଏଫର ଜଣେ ଇନ୍ସପେକ୍ଟର ଶହୀଦ ହୋଇଥିଲେ । ଏହାସହ ଜଣେ ୫ ବର୍ଷର ଶିଶୁ ଓ ଅନ୍ୟ ଦୁଇ ଜଣଙ୍କ ମୃତ୍ୟୁ ହୋଇଥିଲା ।
ଏହାଛଡା ଏହି ଗୁଳି ବିନିମୟରେ ୨୪ ଜଣ ଲୋକ ଗୁରୁତର ଆହତ ହୋଇଥିଲେ । ଫଳରେ ଆଜି ଭାରତ ପକ୍ଷରୁ ଏହାର କଡା ଜବାବ ଦେଇ ଭାରତୀୟ ସେନା ପ୍ରଥମେ ଗୁଳି ବିନିମୟ ଆରମ୍ଭ କରିଥିଲେ ।
