ରାଞ୍ଚି: ନକ୍ସଲ ଦମନ ଅଭିଯାନରେ ଛାଡଖଣ୍ଡ ପୋଲିସକୁ ବଡ ସଫଳତା। ରାଜ୍ୟର ଲାତେହାର ଜିଲ୍ଲାରୁ 7 ନକ୍ସଲଙ୍କୁ ସୋମବାର ଝାଡଖଣ୍ଡ ପୋଲିସ ଗିରଫ କରିଛି। ଗତ ନଭେମ୍ବର 22 ତାରିଖରେ ରାଜ୍ୟର ଚାନ୍ଦୱା ଠାରେ ହୋଇଥିବା ଆକ୍ରମଣ ଘଟଣାରେ ସମ୍ପୃକ୍ତ ଥିଲେ ଗିରଫ ନକ୍ସଲ।
ଗତବର୍ଷ ନଭେମ୍ବରରେ ଚାନ୍ଦାୱା ଠାରେ ହୋଇଥିବା ନକ୍ସଲ ଆକ୍ରମଣରେ 4 ଜଣ ପୋଲିସ କର୍ମଚାରୀଙ୍କ ମୃତ୍ୟୁ ହୋଇଥିବା ଝାଡଖଣ୍ଡ ଡିଆଇଜି ଆମୋଲ ହୋମକାର ଭେନୁକାନ୍ତ ଜଣାଇଛନ୍ତି। ଏହା ପୂର୍ବରୁ ଗତ ଶନିବାର 5 ନକ୍ସଲଙ୍କୁ ରାଜ୍ୟର ବାଲୁନାଥ ଥାନା ଅଧିନସ୍ଥ ତିତିର ମହୁଆ ଜଙ୍ଗଲରୁ ଗିରଫ କରାଯାଇଥିଲା।
ଏନେଇ ଲାତେହାର ଏସପି ପ୍ରଶାନ୍ତ ଆନନ୍ଦଙ୍କ ପକ୍ଷରୁ କୁହାଯାଇଛି, ନକ୍ସଲଙ୍କ ଏକ ଦଳ ତିରତିଆ ପ୍ରସ୍ତୁତି କମିଟି(ଟିପିସି) ବାଲୁନାଥ ଏବଂ ଲାଭଲଙ୍ଗ ଥାନା ଅଞ୍ଚଳରେ ଚଳପ୍ରଚଳ କରୁଥିବା ନେଇ ଗୁପ୍ତ ସୂଚନା ମିଳିଥିଲା। ଏନେଇ ଖବର ପାଇବା ପରେ ପୋଲିସ ପକ୍ଷରୁ ଚଢାଉ କରାଯାଇଥିଲା।
