ନୂଆଦିଲ୍ଲୀ: ନାଗରିକତା ସଂଶୋଧନ ଆଇନକୁ ନେଇ ଶୀର୍ଷରେ ପହଁଚିଛି ହିଂସା । ସିଏଏ ସପକ୍ଷବାଦୀ ଓ ବିପକ୍ଷବାଦୀଙ୍କ ମଧ୍ୟରେ ଉଗ୍ର ହୋଇଛି ଆନ୍ଦୋଳନ । ଦିଲ୍ଲୀର ଅନେକ ଅଞ୍ଚଳରେ ବିକ୍ଷୋଭକାରୀ ନିଆଁ ଲଗାଇବା ସହ ଗୁଳି ଓ ଟେକା ପଥର ମାଡ଼ କରିଛନ୍ତି । ବର୍ତ୍ତମାନ ସୁଦ୍ଧା 18 ଜଣଙ୍କ ମୃତ୍ୟୁ ଘଟିଥିବାବେଳେ ଶତାଧିକ ଆହତ ହୋଇଛନ୍ତି । ଏହି ଘଟଣାରେ କଂଗ୍ରେସର ବରିଷ୍ଠ ନେତା ଆଜି ରାଷ୍ଟ୍ରପତି ଭବନ ଯାଇ ରାଷ୍ଟ୍ରପତି କୋବିନ୍ଦଙ୍କୁ ଭେଟିବେ ।
ରାଜଧାନୀରେ ଜାରି ରହିଥିବା ଅଶାନ୍ତ ସ୍ଥିତିରେ ସ୍ଥିରତା ଆଣିବା ପାଇଁ ରାଷ୍ଟ୍ରପତିଙ୍କ ସହ ଆଲୋଚନା କରିବେ ଏହି ପ୍ରତିନିଧି ମଣ୍ଡଳ । ସୂଚନା ଅନୁଯାଇ ଏହି ପ୍ରତିନିଧି ମଣ୍ଡଳୀରେ କଂଗ୍ରେସର ଅନେକ ବରିଷ୍ଠ ନେତା ସାମିଲ ରହିଛନ୍ତି । ଦଳ ପକ୍ଷରୁ ଏନେଇ ସୂଚନା ମିଳିଥିବାବେଳେ କେଉଁ ସମୟରେ ଗସ୍ତ କରିବେ ତାହା ସ୍ପଷ୍ଟ ହୋଇନାହିଁ ।
@ANI
