ପାଟନା: କୋରୋନାକୁ ନେଇ ସାରା ବିଶ୍ବ ଆତଙ୍କିତ । ଭାରତରେ ବି ଏହି ଭାଇରସ ଦିନକୁ ଦିନ କାୟା ବିସ୍ତାର କରିବାରେ ଲାଗିଛି । ଭାଇରସର ପ୍ରଭାବକୁ ଦୃଷ୍ଟିରେ ରଖି କେନ୍ଦ୍ର ଓ ସମସ୍ତ ରାଜ୍ୟ ସରକାର ମଧ୍ୟ ଆଲର୍ଟରେ । ସତର୍କତା ପାଇଁ ସମସ୍ତ ପ୍ରକାରର ଆବଶ୍ୟକୀୟ ଏବଂ ପ୍ରତିଷେଧମୂଳକ ପଦକ୍ଷେପ ଗ୍ରହଣ କରାଯାଉଛି । ଏପରି ସ୍ଥିତିରେ କୋରୋନା ମୁକାବିଲା ପାଇଁ ନିଆରା ପଦକ୍ଷେପ ଗ୍ରହଣ କରିଛନ୍ତି ବିହାର ସରକାର । ବିହାରର ବସ୍ତର ଓ ଶିବହର ଜିଲ୍ଲାରେ କୋରୋନା ପାଇଁ 144 ଧାରା ଜାରି ହୋଇଛି ।
କୋରୋନା ପାଇଁ ବିହାରରେ 144 ଧାରା
କୋରୋନା ପ୍ରଭାବକୁ ଦୃଷ୍ଟିରେ ରଖି ବସ୍ତରରେ 144 ଧାରା ଜାରି ହୋଇଥିବା ଜିଲ୍ଲାପାଳ ଅମନ ସମୀର ସୂଚନା ଦେଇଛନ୍ତି । ଏହାସହ 31 ମାର୍ଚ୍ଚ ଯାଏ ଜିଲ୍ଲାର ସମସ୍ତ ସ୍କୁଲ କଲେଜ ମଧ୍ୟ ବନ୍ଦ ନେଇ ଘୋଷଣା କରାଯାଇଛି । କୋରୋନା ଆକ୍ରାନ୍ତଙ୍କ ଚିକିତ୍ସା ପାଇଁ ବସ୍ତରର 8ଟି ଓ୍ବାର୍ଡ ପ୍ରସ୍ତୁତ କରାଯାଇଥିବା ବେଳେ ପ୍ରତି ପ୍ରାଥମିକ କେନ୍ଦ୍ରରେ 22ଟି ଓ୍ବାର୍ଡ ରଖାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
