ନୂଆଦିଲ୍ଲୀ: ସାଂଘାଇ ସହଯୋଗ ସଂଗଠନ(ଏସସିଓ)ର ଶିଖର ସମ୍ମିଳନୀ ଜୁନ ୧୩-୧୪ କିର୍ଗିସ୍ତାନର ରାଜଧାନୀ ବିସ୍କେକରେ ଅନୁଷ୍ଠିତ ହେବାକୁ ଯାଉଛି । ଏହି ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଭାଗ ନେବେ । ମାତ୍ର ଏହି ଏସସିଓ ବୈଠକରେ ପାକିସ୍ତାନ ପ୍ରଧାନମନ୍ତ୍ରୀଙ୍କୁ ମୋଦି ଭେଟିବାର କୌଣସି କାର୍ଯ୍ୟକ୍ରମ ନାହିଁ ବୋଲି ଗୁରୁବାର ବୈଦେଶିକ ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରାଯାଇଛି।
ଗୁରୁବାର ପ୍ରେସ କନଫରେନ୍ସରେ ବୈଦେଶିକ ମନ୍ତ୍ରଣାଳୟ ମୁଖପାତ୍ର ରବୀଶ କୁମାର ହିଛନ୍ତି ଯେ, ବିସ୍କେକରେ ଅନୁଷ୍ଠିତ ଏସସିଓ ସମ୍ମିଳନୀ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ପାକିସ୍ତାନର ପ୍ରଧାନମନ୍ତ୍ରୀ ଇମରାନ ଖାନଙ୍କ ମଧ୍ୟରେ ବୈଠକ ହେବାର କୌଣସି କାର୍ଯ୍ୟକ୍ରମ ନାହିଁ ।
ଏହାସହ ରବୀଶ କୁମାର ପାକିସ୍ତାନ ବୈଦେଶିକ ସଚିବଙ୍କ ଭାରତ ଗସ୍ତ ଉପରେ ଏହି ପ୍ରେସ କଲଫରେନ୍ସରେ ସୂଚନା ଦେଇଛନ୍ତି ଯେ, ଭାରତ ଗସ୍ତ ତାଙ୍କର ବ୍ୟକ୍ତିଗତ ଥିଲା ଏବଂ ତାଙ୍କ ସହିତ କୌଣସି ପ୍ରକାର ଅଧିକାରୀକ ବୈଠକ ହୋଇ ନାହିଁ ।
