ବେଙ୍ଗାଲୁର: ଜେଲରୁ ବାହାରିଲେ ଭିକେ ଶଶିକଳା। ଦୀର୍ଘ 4 ବର୍ଷର ସଜ୍ଜା ପୂରଣ ପରେ ତାଙ୍କୁ ମୁକ୍ତ କରାଯାଇଛି। ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜେ.ଜୟଲଳିତାଙ୍କ ଘନିଷ୍ଠ ତଥା ତାମିଲବାସୀଙ୍କ ପାଖରେ ଚିନ୍ନମ୍ମା ଭାବେ ପରିଚିତ ଭି.କେ ଶଶୀକଳା ବର୍ତ୍ତମାନ ମେଡିକାଲରେ ଚିକିତ୍ସିତ ହେଉଛନ୍ତି। ଦୁର୍ନୀତି ଅଭିଯୋଗରେ 4 ବର୍ଷ ପାଇଁ ଜେଲଦଣ୍ଡାଦେଶ ଦିଆଯାଇଥିଲା। ବେଙ୍ଗାଲୁରୁ ଜେଲ କର୍ତ୍ତୃପକ୍ଷଙ୍କ ଅନୁଯାୟୀ, ତାଙ୍କ ମୁକ୍ତି ସମ୍ବନ୍ଧୀୟ ସମସ୍ତ ଆନୁଷ୍ଠାନିକତା ଡାକ୍ତରଖାନାରେ ସମ୍ପୂର୍ଣ୍ଣ ହେବ କାରଣ କୋଭିଡ କାରଣରୁ ତାଙ୍କୁ ସଙ୍ଗରୋଧରେ ରଖାଯାଇଛି।
ଜାନୁଆରୀ 20 ରେ ଶଶିକଳା କୋଭିଡ୍ ପଜିଟିଭ୍ ପରୀକ୍ଷା କରିଥିଲେ ଏବଂ ପ୍ରଥମେ ତାଙ୍କୁ ବୋରିଙ୍ଗ ହସ୍ପିଟାଲରେ ଭର୍ତ୍ତି କରାଯାଇଥିଲା। ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭିକ୍ଟୋରିଆ ହସ୍ପିଟାଲର ଆଇସିୟୁ ୱାର୍ଡକୁ ସ୍ଥାନାନ୍ତର କରାଯାଇଥିଲା। ବର୍ତ୍ତମାନ ଲକ୍ଷଣଗୁଡ଼ିକ ହ୍ରାସ ପାଇଛି ଏବଂ ତାଙ୍କ ଅବସ୍ଥା ସ୍ୱାଭାବିକ ହୋଇଥିବାରୁ ତାଙ୍କୁ ଆଇସିୟୁରୁ ବାହାର କରାଯାଇଛି ବୋଲି ଭିକ୍ଟୋରିଆ ହସ୍ପିଟାଲ କର୍ତ୍ତୃପକ୍ଷ ଏକ ବିବୃତ୍ତିରେ କହିଛନ୍ତି।
ତେବେ ଶଶିକଳା ଏଭଳି ଏକ ସମୟରେ ଜେଲରୁ ମୁକ୍ତି ପାଇଛନ୍ତି ଯେତେବେଳେ ତାମିଲନାଡୁ ବିଧାନସଭା ନିର୍ବାଚନ ପାଇଁ ପ୍ରସ୍ତୁତ ହେଉଛି । ଆଉ ଯେଉଁଥିରେ ତାଙ୍କ ପୂର୍ବତନ ଦଳ ଏଆଇଡିଏମକେ ଗ୍ରହଣ କରୁଛି। ସେପ୍ଟେମ୍ବର 2013 ରେ, ଏକ ସ୍ବତନ୍ତ୍ର କୋର୍ଟ ଜୟଲଳିତାଙ୍କୁ ଚାରି ବର୍ଷ କାରାଦଣ୍ଡରେ ଦଣ୍ଡିତ କରିଥିଲେ। ଏହାସହ ତାଙ୍କୁ 100 କୋଟି ଟଙ୍କା ଜୋରିମାନା ସହ ସିଏମ ପଦରୁ ଇସ୍ତଫା ଦେବାକୁ ବାଧ୍ୟ କରାଯାଇଥିଲା। ଏହାସହ ତାଙ୍କ ତିନିଜଣ ସହଯୋଗୀ ଶଶିକଳା, ଭି ଏନ୍ ସୁଧାକରନ୍ ଏବଂ ଇଲାଭାରାସୀ ମଧ୍ୟ ଦୋଷୀ ସାବ୍ୟସ୍ତ ହୋଇଥିଲେ ଏବଂ ପ୍ରତ୍ୟେକଙ୍କୁ 10 କୋଟି ଟଙ୍କା ଜରିମାନା କରାଯାଇଥିଲା।
ଜୟଲଳିତା କର୍ଣ୍ଣାଟକ ହାଇକୋର୍ଟରେ ଦୋଷୀ ସାବ୍ୟସ୍ତ ହୋଇଥିଲେ ପରେ ତାଙ୍କୁ ସମସ୍ତ ଦୋଷରୁ ମୁକ୍ତ କରାଯାଇଥିଲା। କିନ୍ତୁ 2017 ରେ ସୁପ୍ରିମକୋର୍ଟ ଏହି ଚାରିଜଣଙ୍କୁ ଦୋଷୀ ସାବ୍ୟସ୍ତ କରି ସ୍ବତନ୍ତ୍ର କୋର୍ଟର ରାୟକୁ ସମର୍ଥନ କରିଥିଲେ। 2016 , ଡିସେମ୍ବର 5ରେ ଜୟଲଳିତାଙ୍କ ମୃତ୍ୟୁ ପରେ ସମସ୍ତ ଅଭିଯୋଗ ହ୍ରାସ କରାଯାଇଥିଲା।
ଜୟଲଳିତାଙ୍କ ମୃତ୍ୟୁ ପରେ ଶଶିକଳା ଡିସେମ୍ବର 2016 ରେ AIADMK ର ଦାୟିତ୍ବ ଗ୍ରହଣ କରିଥିଲେ। କିନ୍ତୁ ପରେ ମୁଖ୍ୟମନ୍ତ୍ରୀ ଏଡାପାଦୀ କେ ପାଲାନିସ୍ୱାମୀଙ୍କ ନେତୃତ୍ୱାଧୀନ ଦଳ ତାଙ୍କୁ ବହିଷ୍କୃତ କରିଥିଲା। ପୁର୍ନବାର ନଭେମ୍ବର 2019ରେ ଶଶିକଳା ଲାଇମଲାଇଟକୁ ଆସିଥିଲେ। ଯେତେବେଳେ ଆୟକର ବିଭାଗ ଦ୍ବାରା 1,600 କୋଟି ଟଙ୍କା ମୂଲ୍ୟର ସମ୍ପତ୍ତି ବାଜ୍ୟାପ୍ତି କରାଯାଇଥିଲା। ଅଭିଯୋଗ ହୋଇଥିଲା ଯେ ଚେନ୍ନାଇ, ପୁଡୁଚେରୀ ଏବଂ କୋଏମ୍ବାଟୋରରେ ଅବସ୍ଥିତ ନଅଟି ସମ୍ପତ୍ତି ନଭେମ୍ବର 2016 ରେ ବିମୁଦ୍ରୀକରଣ ପରେ କ୍ରୟ କରାଯାଇଥିଲା।
