ଜୟପୁର: ଦିପାବଳୀ ପୂର୍ବରୁ ବ୍ୟାନ ହେଲା ବାଣବିକ୍ରି । ପାର୍ବଣ ଋତୁରେ ବାଣ ଫୁଟାଇବା ଉପରେ ଲାଗିବ ଲଗାମ । ମହାମାରୀ କୋରୋନା ସଂକ୍ରମଣ ସମୟରେ ପ୍ରଦୂଷଣକୁ ନଜରରେ ରଖି ଏପରି ନିଷ୍ପତ୍ତି ନେଇଛନ୍ତି ରାଜସ୍ଥାନ ସରକାର ।
କୋଭିଡ ସଙ୍କଟ ମଧ୍ୟରେ ଲୋକଙ୍କ ଜୀବନ ବଞ୍ଚାଇବା ଏକ ପ୍ରକାର ଚ୍ୟାଲେଞ୍ଜ ସୃଷ୍ଟି କରିଛି । ବାଣ ଫୁଟାଇବା ଦ୍ବାରା ପରିବେଶରେ ପ୍ରଦୂଷଣ ବଢିପାରେ । ଯାହା କୋରୋନା ସଂକ୍ରମିତଙ୍କ ଆହୁରି ବିପଦମୁହଁକୁ ଠେଲି ପାରେ । ରବିବାର ରାଜ୍ୟର କୋରୋନା ସ୍ଥିତି ଅନୁଧ୍ୟାନ ପରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏପରି ନିଷ୍ପତ୍ତି ନେଇଛନ୍ତି । ବିନା ଫିଟନେସରେ ଯଦି କୌଣସି ଗାଡିଚଳାଚଳ କରୁଛି କିମ୍ବା ବାଣ ବିକ୍ରି କରିବେ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଦିପାବଳୀରେ ମଧ୍ୟ ଆତସବାଜି କରିବା ଉଚିତ ନୁହେଁ ବୋଲି ଗେହଲଟ କହିଛନ୍ତି ।
ଏହି ସମୟରେ ସେ ‘ନୋ-ମାସ୍କ-ନୋ-ଏଣ୍ଟ୍ରି ’ ଓ ‘ୱାର ଫର ଦି ପିୟର’ ଭଳି ସଚେତନତା କାର୍ଯ୍ୟକ୍ରମର ମଧ୍ୟ ତଦାରଖ କରିଥିଲେ । ଅନଲକ-6 ଗାଇଡଲାଇନ ବିଷୟରେ ଆଲୋଚନା କରାଯାଇଥିଲା । ନଭେମ୍ବର 16 ତାରିଖ ପର୍ଯ୍ୟନ୍ତ ରାଜ୍ୟରେ କୌଣସି ସ୍କୁଲ ଓ କଲେଜ ଖୋଲିବ ନାହିଁ ବୋଲି ସରକାର ଘୋଷଣା କରିଛନ୍ତି ।
