ଲକ୍ଷ୍ନୌ: ବର୍ତ୍ତମାନ ଭକ୍ତମାନଙ୍କୁ ବାବା ବିଶ୍ୱନାଥଙ୍କ ରୁଦ୍ରାଭିଷେକ ପାଇଁ ଉତ୍ତରପ୍ରଦେଶର ବାରାଣାସୀ ଆସିବାକୁ ପଡ଼ିବ ନାହିଁ । କାଶୀ ବିଶ୍ୱନାଥ ମନ୍ଦିର କମିଟି ସୁଦୂର ଭକ୍ତଙ୍କ ପାଇଁ ଅନଲାଇନ ପୂଜା ଆରମ୍ଭ କରିଛି । ସୋମବାର ବାରାଣାସୀ ଗସ୍ତରେ ଆସିଥିବା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହାର ଶୁଭାରମ୍ଭ କରିଛନ୍ତି । ଏହି ସମୟରେ ସେ ସୂକ୍ଷ୍ମ ରୁଦ୍ରାଭିଷେକ ମଧ୍ୟ କରିଥିଲେ। ଏଥିପାଇଁ ଭାରତ ଏବଂ ବିଦେଶରେ ବସିଥିବା ଭକ୍ତମାନଙ୍କୁ ଅନଲାଇନରେ ଆବେଦନ କରିବାକୁ ପଡ଼ିବ, ଯାହା ପରେ ସେମାନଙ୍କୁ ଏହି ସୁବିଧା ଯୋଗାଇ ଦିଆଯିବ ।
ବାରାଣାସୀରେ ପହଞ୍ଚିବା ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରଥମେ କାଶୀ ବିଶ୍ୱନାଥଙ୍କୁ ଦେଖିବାକୁ ଆସିଥିଲେ । ପ୍ରାୟ 8 ମିନିଟ ପର୍ଯ୍ୟନ୍ତ ଗର୍ଭଗୃହରେ ରହି ସୂକ୍ଷ୍ମ ରୁଦ୍ରାଭିଷେକ କରିଥିଲେ । ଏହା ପରେ ସେ ଅନଲାଇନ ପୂଜାର ଆରମ୍ଭ କରିଥିଲେ । ମଙ୍ଗଳବାର ଠାରୁ ଭକ୍ତଙ୍କ ପାଇଁ ମନ୍ଦିର ଖୋଲିବାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଏହି ବ୍ୟବସ୍ଥା କରିଥିଲେ । ଏହା ପରେ ସେ କାଶୀ ବିଶ୍ୱନାଥ ଧାମର ଚାଲିଥିବା ନିର୍ମାଣ କାର୍ଯ୍ୟ ପରିସର ଅଞ୍ଚଳକୁ ଯାଇଥିଲେ । କାର୍ଯ୍ୟ ଶୀଘ୍ର ତ୍ୱରାନ୍ୱିତ କରିବାକୁ ସେ ଅଧିକାରୀମାନଙ୍କୁ ମଧ୍ୟ ନିର୍ଦ୍ଦେଶ ଦେଇଛନ୍ତି ।
ଅନଲକ-1ରେ ଧାର୍ମିକ ସ୍ଥାନ ଖୋଲିବାକୁ ନିର୍ଦ୍ଦେଶ ଦିଆଯିବା ପରେ ମଙ୍ଗଳବାର ଠାରୁ ସାଧାରଣ ଭକ୍ତଙ୍କ ପାଇଁ କାଶୀ ବିଶ୍ୱନାଥ ମନ୍ଦିର ଖୋଲାଯାଇଛି । ଏହି ସମୟ ମଧ୍ୟରେ ସାମାଜିକ ଦୂରତା ଏବଂ ପରିମଳର ନେଇ ସମସ୍ତ ବ୍ୟବସ୍ଥା ମନ୍ଦିର ପରିଚାଳନା ଦ୍ୱାରା କରାଯାଇଛି । ଫାଟକରେ ସ୍ୱୟଂଚାଳିତ ସାନିଟାଇଜ ମେସିନ ସ୍ଥାପନ କରାଯାଇଛି ।
