ଜୟପୁର: ରାଜସ୍ଥାନର ଯୋଧପୁରରେ ସଡକ ଦୁର୍ଘଟଣା । ଜିଲ୍ଲାର ଖେଜଡଲା ଅଞ୍ଚଳରେ ଏକ ଡମ୍ପର ସହ ଦୃତଗତିରେ ଆସୁଥିବା ମଟର ସାଇକଲର ଧକ୍କା ହୋଇଛି । ଦୁର୍ଘଟଣାରେ 3 ମୋଟର ସାଇକେଲ ଆରୋହୀଙ୍କ ମୃତ୍ୟୁ ହୋଇଛି ।
ମୃତକଙ୍କ ମଧ୍ୟରେ 2 ଜଣ ଗୋଟିଏ ପରିବାରର ଭାଇ ଥିବା ଜଣାପଡିଛି । ତିନିଜଣ ଜିଲ୍ଲାରେ ଶ୍ରମିକ ଭାବେ କାମ କରୁଥିଲେ । 3 ଜଣ ଏକ ମୋଟର ସାଇକେଲ ଯୋଗେ ଖେଜଡଲା ସ୍ଥିତ ଏକ ବ୍ୟାଙ୍କକୁ ଆସୁଥିବା ସମୟରେ ଡମ୍ପର ସହ ଦୁର୍ଘଟଣା ହୋଇଥିଲା । ଦୁର୍ଘଟଣା ପରେ ଘଟଣାସ୍ଥଳରେ ଆମ୍ବୁଲାନ୍ସ ପହଞ୍ଚି ନଥିଲା ।
ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର ସହ ବ୍ୟବଚ୍ଛେଦ ପାଇଁ ପଠାଇଦେଇଛି । ଏହାସହ ମୃତକଙ୍କ ପରିବାର ବର୍ଗଙ୍କୁ ମଧ୍ୟ ଘଟଣା ସମ୍ପର୍କରେ ସୂଚନା ଦିଆଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
