ଶ୍ରୀନଗର: ମାଟି ମାଆ ପାଇଁ ଜୀବନ ହାରିଲେ ଯବାନ । ପାକିସ୍ତାନର ଅସ୍ତ୍ରବିରତି ଉଲ୍ଲଂଘନରେ ଟଳିପଡିଛନ୍ତି ବୀର ଯୋଦ୍ଧା । ଦେଶମାତୃକାର ସେବା ପାଇଁ ଶହିଦ ହୋଇଛନ୍ତି ରାଇଫଲ ମ୍ୟାନ କରମଜୀତ ସିଂହ ।
ପଛପଟୁ ଛୁରାମାଡ କରିବାରେ ଅଭ୍ୟସ୍ତ ପାକିସ୍ତାନ ସୋମବାର ଭୋରରୁ ବି କରିଥିଲା ଅସ୍ତ୍ରବିରତି ଉଲ୍ଲଂଘନ । ସୁନ୍ଦରବନୀ ସେକ୍ଟରରେ ଗୁଳିବର୍ଷା କରିଥିଲେ ପାକିସ୍ତାନୀ ସେନା । ଏହାସହ ଭାରତୀୟ ସେନାର ପୋଷ୍ଟ ଉପରକୁ ମୋର୍ଟାର ମାଡ ମଧ୍ୟ କରିଥିଲା । ଆଉ ଏଥିରେ ଟଳି ପଡିଛନ୍ତି ରାଜୌରି ସୀମାରେ କାର୍ଯ୍ୟରତ କରମଜୀତ ।
ଅନ୍ୟପଟେ ପାକିସ୍ତାନକୁ ମୁହଁତୋଡ ଜବାବ ଦେଇଛି ଭାରତୀୟ ସେନା । ଉଭୟ ପକ୍ଷରୁ ଚାଲିଥିବା ଗୁଳି ବିନିମୟ ସକାଳ 7.15ରେ ବନ୍ଦ ହୋଇଥିଲା ।
