ହାଇଦ୍ରାବାଦ: ଫାଷ୍ଟେଷ୍ଟ ଗ୍ରୋଇଙ୍ଗ ସୋସିଆଲ ମିଡିଆ ଭିତରୁ ଗୋଟିଏ ହେଉଛି ଟ୍ବିଟର । ବର୍ତ୍ତମାନର ପୀଢି ପାଇଁ ଏହା ଏକ ପ୍ରକୃଷ୍ଟ ମାଧ୍ୟମ । ନିଜ ସ୍ବର ଉତ୍ତୋଳନ କରିବାକୁ ହେଉ କିମ୍ବା କୌଣସି ବିଷୟ ପ୍ରତି ସମର୍ଥନ, ପ୍ରତିଟି ପାଇଁ ଏବେ ଯୁବପୀଢିଙ୍କ ପ୍ରଥମ ପସନ୍ଦ ପାଲଟିଛି ଟ୍ବିଟର । ହେଲେ ଏହି ଟ୍ବିଟରରେ ଖୁବଶୀଘ୍ର ବନ୍ଦ ହେବାକୁ ଯାଉଛି ରିଟ୍ବିଟର ଫିଚର ।
ନିକଟରେ ଟ୍ବିଟର ଅଫିସିଆଲଙ୍କ ଦ୍ବାରା ହୋଇଥିବା ଏକ ଘୋଷଣାରୁ ଜଣାପଡିଛି କି 2020ରେ ଟ୍ବିଟରରେ କେତେକ ନୂଆ ଫିଚର ଯୋଡି ହେବାକୁ ଯାଉଛି । ରିଟ୍ବିଟ ବନ୍ଦ କରିବାର ଏହା ଏକ ବିକଳ୍ପ ବୋଲି କୁହାଯାଇପାରେ । ଦିନକୁ ଦିନ ବଢୁଥିବା ସାଇବର କ୍ରାଇମକୁ ରୋକିବା ପାଇଁ ଏହା ଏକ ଉପାୟ ମାତ୍ର । ଟ୍ବିଟରର ଭାଇସ ପ୍ରେସିଡେଣ୍ଟ ଡେଣ୍ଟଲି ଡେଭିସଙ୍କ କହିବା ମୁତାବକ ଟ୍ବିଟର ସୋସିଆଲ ମିଡିଆରେ ପ୍ରଚାର ପ୍ରସାର ପାଇଁ ଟ୍ବିଟକୁ ଭାଇରାଲ କରିବା ରୋକିବା ପାଇଁ ଏହା ଏକ ବିକଳ୍ପ ଭାବେ ଆକଳନ କରାଯାଇପାରେ ।
ତେଣୁ ଖୁବଶୀଘ୍ର ରିଟ୍ବିଟ ଫିଚରକୁ ବନ୍ଦ କରିବା ନେଇ ନିଷ୍ପତ୍ତି ନିଆଯାଇପାରେ । ପ୍ରତିବଦଳରେ ସାଇଟରେ କିଛି ନୂଆ ଫିଚର ଯୋଡି ହେବା ନେଇ ଇସାରା କରିଛନ୍ତି ଅଫିସିଆଲ ।
