ନୂଆଦିଲ୍ଲୀ: ରାଜ୍ୟସଭା ପରେ ଆଜି ଲୋକସଭାରେ ଜମ୍ମୁ-କାଶ୍ମୀର ପୁନର୍ଗଠନ ବିଲ୍ ଆଗତ ହୋଇଛି । ଏହା ସହ ଧାରା 370କୁ ଉଚ୍ଛେଦ ନେଇ ମଧ୍ୟ ବିଲ୍ ଆଗତ ହୋଇଛି । ଗୃହମନ୍ତ୍ରୀ ଅମିତ୍ ଶାହ ଏହି ବିଲ୍ ଲୋକସଭାରେ ଆଗତ କରିଛନ୍ତି ।
ଗତକାଲି ଏହି ବିଲ୍ ରାଜ୍ୟସଭାରେ ପାରିତ ହେବା ପରେ ଆଜି ଲୋକସଭାରେ ଆଗତ ହୋଇଛି । ତେବେ ଏହି ବିଲ୍ ଉପରେ ଆଲୋଚନା ଚାଲିଛି । ସଂସଦରେ ଏହି ପାରିତ ହେବା ପରେ ଅନ୍ୟ ରାଜ୍ୟ ପରି ଜମ୍ମୁ-କାଶ୍ମୀରରେ ମଧ୍ୟ ଗୋଟିଏ ସମ୍ବିଧାନ ଲାଗୁ ହେବ । ଏହା ସହ ଜମ୍ମୁ-କଶ୍ମୀର ରାଜ୍ୟର ମାନ୍ୟତା ହରାଇ ଦୁଇଟି କେନ୍ଦ୍ରଶାସିତ ଅଞ୍ଚଳରେ ପରିଣତ ହେବ । ଲଦାଖ ଓ ଜମ୍ମୁ-କାଶ୍ମୀର ଏଭଳି ଦୁଇଟି କେନ୍ଦ୍ରଶାସିତ ଅଞ୍ଚଳରେ ପରିଣତ ହେବ । ଜମ୍ମୁ-କାଶ୍ମୀରରେ ବିଧାନସଭା ରହିବ ମାତ୍ର ଲଦାଖରେ ରହିବ ନାହିଁ ।
