ନୂଆଦିଲ୍ଲୀ: କୋରୋନା କଷ୍ଟକୁ ପୁଣି ଏବେ ଅଥୟ କରୁଛି ଦିନର ତାପମାତ୍ରା । ମଙ୍ଗଳବାର ସୁଦ୍ଧା ଦିଲ୍ଲୀର ଦିନର ତାପମାତ୍ରା 48 ଡିଗ୍ରୀ ସେଲସିୟସ ଛୁଇଁବାର ସମ୍ଭାବନା ରହିଛି ବୋଲି ଭାରତୀୟ ପାଣିପାଗ ବିଭାଗ କହିଛି । ଏହି ସପ୍ତାହରେ ଦେଶର ଉତ୍ତର ରାଜ୍ୟ ଗୁଡିକୁ ମହାରାଷ୍ଟ୍ର ଏବଂ ତେଲେଙ୍ଗାନାରେ ତାପମାତ୍ରା ବଢିବା ନେଇ ଅନୁମାନ କରାଯାଇଛି ।
ମେ 28 ପରେ ତାତିରୁ ତ୍ରାହି ମିଳିବ ବୋଲି ଆଶା କରାଯାଉଛି । ପଶ୍ଚିମାଞ୍ଚଳରେ ହାଲୁକା ବର୍ଷା ହେବାର ସମ୍ଭାବନା ରହିଛି ବୋଲି ଜାତୀୟ ପାଣିପାଗ ବିଭାଗ ଆକଳନ କରିଛି ।
ଆଇଏମଡିର ଦୈନିକ ବୁଲେଟିନ୍ ରବିବାର କହିଛି ଯେ ପଞ୍ଜାବ, ହରିୟାଣା, ଚଣ୍ଡିଗଡ଼, ଦିଲ୍ଲୀ, ରାଜସ୍ଥାନ, ଉତ୍ତରପ୍ରଦେଶ, ମଧ୍ୟପ୍ରଦେଶ, ବିଦର୍ଭ ଏବଂ ତେଲେଙ୍ଗାନାରେ ପ୍ରବଳ ଗରମ ଅନୁଭବ ହେବ । ତାପମାତ୍ରା 46-48 ଡିଗ୍ରୀ ମଧ୍ୟରେ ବଢିବାର ସମ୍ଭାବନା ରହିଛି ।
ତେବେ ପ୍ରତ୍ୟେକ ବର୍ଷ ତାପମାତ୍ରାକୁ ଦେଖି ସବୁଜ, ହଳଦିଆ, କମଳା ଏବଂ ନାଲି ଚେତାବନୀ ଦିଆଯାଇଥାଏ । ଚଳିତବର୍ଷ ପ୍ରଥମଥର ପାଇଁ ଦେଶର ଉତ୍ତର ରାଜ୍ୟ ଗୁଡିକ ଗ୍ରୀଷ୍ମରେ ରେଡ ୱାର୍ଣ୍ଣିଂ ଦିଆଯାଇଛି । ଘରୁ ଅପରାହ୍ନ 1 ରୁ 5 ଟା ମଧ୍ୟରେ ଘରୁ ନବାହାରିବାକୁ ଚେତାବନୀ ଦିଆଯାଇଛି ।
ବିଶେଷ କରି ଲକଡାଉନରେ ଏପରି ଗରମରେ ଅଧିକ ଅସୁବିଧା ଭୋଗୁଛନ୍ତି ପ୍ରବାସୀ ଶ୍ରମିକ । ଲକ୍ଷ ଲକ୍ଷ ଶ୍ରମିକ ନିଜ ରାଜ୍ୟକୁ ଫେରୁଛନ୍ତି । ଅନେକ ଲୋକ ଦିନର ଉତ୍ତାପରୁ ବଞ୍ଚିବା ପାଇଁ ରାତିରେ ଦିଲ୍ଲୀର ଯମୁନା ନଦୀ ପାର ହୋଇଥିବାର ଦେଖିବାକୁ ମିଳୁଛି ।
ଛତିଶଗଡ, ଓଡିଶା, ଗୁଜୁରାଟ, କେନ୍ଦ୍ରୀୟ ମହାରାଷ୍ଟ୍ର ଏବଂ ବିଦର୍ଭ, ଉପକୂଳ ଆନ୍ଧ୍ରପ୍ରଦେଶ, ୟାନାମ, ରୟାଲସିମା ଏବଂ ଉତ୍ତର ଆଭ୍ୟନ୍ତରୀଣ କର୍ଣ୍ଣାଟକରେ ଏହି ସପ୍ତାହ ମଧ୍ୟଭାଗ ପର୍ଯ୍ୟନ୍ତ ତାପମାତ୍ରା ଅଧିକରୁ ଅଧିକ ରହିବ ବୋଲି ଆକଳନ ହୋଇଛି ।
