ପୁଣେ: ମହାରାଷ୍ଟ୍ରରେ ବ୍ୟାଘ୍ରଛାଲ ଜବତ ସହ ସମ୍ପୃକ୍ତ ଗ୍ୟାଙ୍ଗର ପର୍ଦ୍ଦାଫାସ । କ୍ରାଇମ ବ୍ରାଞ୍ଚର ସ୍ବତନ୍ତ୍ର ଟିମ୍ ଚଢାଉ କରି ଜବତ କରିଛି ବାଘ ଚମଡ଼ା । ଜବତ ହୋଇଥିବା ଏହି ବାଘ ଛାଲର ମୂଲ୍ୟ ପାଞ୍ଚ ଲକ୍ଷ ଟଙ୍କା ହେବ ବୋଲି କହିଛି କ୍ରାଇମବ୍ରାଞ୍ଚ ।
ଶନିବାର କ୍ରାଇମବ୍ରାଞ୍ଚ ଓ ପୁଣେ ପୋଲିସର ଏକ ଟିମ୍ ମିଳିତ ଭାବେ ଚଢାଉ କରି ବାଘ ଟମଡ଼ା ଜବତ କରିଛି । ଏହି ଘଟଣାରେ ସଂଶ୍ଳିଷ୍ଟ ଥିବା ଦୁଇ ଜଣ ଅଭିଯୁକ୍ତକୁ ଗିରଫ ମଧ୍ୟ କରିଛି ଟିମ୍ ।
ଏହି ଗ୍ୟାଙ୍ଗ ପାଖରେ ଆଉ ବାଘ ଛାଲ ରହିଛି କି ନାହିଁ ଓ ରାଜ୍ୟର ଅନ୍ୟ କେଉଁ ସ୍ଥାନରେ ସକ୍ରୀୟ ରହିଛି ସମସ୍ତ ବିଷୟରେ ଅଧିକ ତଦନ୍ତ ଜାରି ରଖିଛି ପୁଣେ ପୋଲିସ ଓ କ୍ରାଇମବ୍ରାଞ୍ଚ ।
