ନୂଆଦିଲ୍ଲୀ: ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର୍) ବୁଧବାର କହିଛି ଯେ ବାଦୁଡି ଠାରୁ କୋରୋନାଭାଇରସ୍ ପ୍ରଭାବିତ ମଣିଷର ଘଟଣା କ୍ବଚିତ୍ । ଏହା ବୋଧହୁଏ ଏକ ହଜାର ବର୍ଷରେ ଥରେ ଘଟୁଥିବା ଏକ ବିରଳ ଘଟଣା ବୋଲି ସେ କହିଛନ୍ତି ।
କୋରୋନାଭାଇରସ୍ ମହାମାରୀ ସମ୍ପର୍କରେ ଏକ ଗଣମାଧ୍ୟମ ସଂକ୍ଷିପ୍ତ ବୈଠକରେ ପଚାରିଥିବା ପ୍ରଶ୍ନ ଉପରେ ଆଇସିଏମଆର ମୁଖ୍ୟ ବୈଜ୍ଞାନିକ ଡକ୍ଟର ରମଣ ଗଙ୍ଗାଖେଡକର କହିଛନ୍ତି ଯେ ବାଦୁଡିଙ୍କ ଠାରେ କୋରୋନାଭାଇରସ୍ ମିଳିବା ଏକ ବିରଳ ଘଟଣା।
ଡକ୍ଟର ଗଙ୍ଗାଖେଡକର କହିଛନ୍ତି, "କୋରୋନାଭାଇରସ୍ ମଧ୍ୟ ବାଦୁଡିଙ୍କ ଠାରେ ମିଳିଥାଏ। ଚୀନରେ ହୋଇଥିବା ଅନୁସନ୍ଧାନରୁ ଜଣାପଡିଛି ଯେ କୋରାନାଭାଇରସ୍ ର ଉତ୍ପତ୍ତି ବାଦୁଡି ମାନଙ୍କ ମ୍ୟୁଟେସନ ହୋଇ ମାନବଙ୍କ ନିକଟରେ ବ୍ୟାପିଛି । ଦ୍ବିତୀୟ ସମ୍ଭାବନା ଅଛି ଯେ ବାଦୁଡିଙ୍କ ଠାରୁ ଏହି ଭାଇରସକୁ ବଜ୍ରକାପ୍ତାଙ୍କ ଠାରେ ବିସ୍ତାର ହୋଇ ମଣିଷକୁ ସଂକ୍ରମିତ କରିଛି।
ଭାରତୀୟ ବଦୁଡିଙ୍କ ପ୍ରଜାତିର ଆଇସିଏମଆର ଗବେଷଣା ସଂପର୍କରେ ସେ କହିଛନ୍ତି, "ଆମେ ମଧ୍ୟ ବାଦୁଡିମାନଙ୍କ ଉପରେ ଏହି ଭୂତାଣୁ ମିଳୁଛି କି ନାହିଁ ତାହା ଉପରେ ଗବେଷଣା ଏବଂ ତଦାରଖ କରିଥିଲୁ। ଆମେ ଜାଣିବାକୁ ପାଇଲୁ ଯେ ଦୁଇଟି ପ୍ରଜାତିର ବାଦୁଡିଙ୍କ ଠାରେ କୋରୋନାଭାଇରସ୍ ଅଛି | କିନ୍ତୁ ଏହାର ମଣିଷକୁ ସଂକ୍ରମିତ କରିବାର କ୍ଷମତା ନାହିଁ। ଏହା ବିରଳ, ବୋଧହୁଏ 1000 ବର୍ଷରେ ଥରେ ଏହି ଭାଇରସ ବାଦୁଡି ଠାରୁ ମନୁଷ୍ୟକୁ ସଂକ୍ରମିତ କରେ ।
ଆଇସିଏମଆର ଦ୍ବାରା କରାଯାଇଥିବା ଅଧ୍ୟୟନରୁ ଜଣାପଡିଛି ଯେ କେରଳ, ହିମାଚଳ ପ୍ରଦେଶ, ପୁଡୁଚେରୀ ଏବଂ ତାମିଲନାଡୁରେ ମିଳୁଥିବା ବାଦୁଡିଙ୍କ ଠାରେ କୋରୋନାଭାଇରସ୍ ମିଳିଥାଏ। ଚାଇନାର ଉହାନରେ କୋରାନାଭାଇରସ୍ ମହାମାରୀ ବାଦୁଡିଙ୍କ ଠାରୁ ମଣିଷ ପର୍ଯ୍ୟନ୍ତ ବ୍ୟାପିଛି ବୋଲି ଏକ ଅଧ୍ୟୟନ ଏବଂ ଅନୁମାନ ରହିଛି।
@IANSଇନପୁଟ
