ନୂଆଦିଲ୍ଲୀ: ଭାରତୀୟ ରାମାୟଣ ଜଗତକୁ ଶକ୍ତ ଝଟକା । ବହୁ ଲୋକପ୍ରିୟ ରାମାନନ୍ଦ ସାଗରଙ୍କ ରାମାୟଣର ସୁଗ୍ରୀବ ଚଚିତ୍ରରେ ଅଭିନୟ କରିଥିବା ଅଭିନେତା ଶ୍ୟାମ ସୁନ୍ଦର କଲାନିଙ୍କ ନିଧନ ହୋଇଯାଇଛି । ସେ ବିଗତ କିଛିଦିନରୁ କ୍ୟାନସରରେ ପୀଡିତ ଥିଲେ । ସେ ଏପ୍ରିଲ 6 ରେ ତାଙ୍କ ନିଜ ଶେଷ ନିଶ୍ବାସ ତ୍ୟାଗ କରିଛନ୍ତି । ମିଳିଥିବା ସୂଚନା ଅନୁସାରେ, ଶ୍ୟାମ ସୁନ୍ଦରଙ୍କ ଦେହାନ୍ତ ହିମାଚଳ ପ୍ରଦେଶର କାଙ୍ଗରାରେ ହୋଇଥିବା ଜଣାପଡିଛି। ଏହି ଖବର ଶୁଣିବା ପରେ ଭାରତୀୟ ରାମାୟଣ ଜଗତରେ ଶୋକର ଛାୟା ଖେଳିଯାଇଛି ।
ଏହି ସମ୍ପର୍କରେ ରାମାୟଣରେ ରାମ ଚରିତ୍ରରେ ଅଭିନୟ କରିଥିବା ଅଭିନେତା ଅରୁଣ ଗୋଭିଲ ଟ୍ବିଟ କରି ସୂଚନା ଦେଇଛନ୍ତି । ସେ ଟ୍ବିଟରରେ ଲେଖିଛନ୍ତି ଯେ, "ରାମାନନ୍ଦ ସାଗରର ରାମାୟଣର ସୁଗ୍ରୀବ ଚରିତ୍ରରେ ଅଭିନୟ କରିଥିବା ଶ୍ୟାମସୁନ୍ଦର ଏବେ ଆଉ ଆମ ଗହଣରେ ନାହାଁନ୍ତି । ସେ ଜଣେ ଉଚ୍ଚକୋଟିର ବ୍ୟକ୍ତିତ୍ବ ଥିଲେ । ଭଗବାନ ତାଙ୍କ ଆତ୍ମକୁ ଶାନ୍ତି ଦିଅନ୍ତୁ "।
ଲକ୍ଷ୍ମଣ ଚରିତ୍ରରେ ଥିବା ଅଭିନେତା ସୁନିଲ ଲହରି ମଧ୍ୟ ନିଜ ଟ୍ବିଟର ପେଜରେ ସୁନ୍ଦରଙ୍କ ନିଧନରେ ଶ୍ରଦ୍ଧାଞ୍ଜଳି ଦେଇଛନ୍ତି । ତାଙ୍କ ନିଧନ ଖବର ଶୁଣି ଅତ୍ୟନ୍ତ ମର୍ମାହତ । ଏଭଳି ଦୁଃଖ ସମୟରେ ଭଗବାନ ତାଙ୍କ ପରିବାରଙ୍କୁ ଶକ୍ତି ଦିଅନ୍ତୁ ବୋଲି ସେ କହିଛନ୍ତି।
ଆମେ କହି ରଖୁଛୁ ଯେ, ଶ୍ୟାମ ସୁନ୍ଦର କଲାନୀ ରାମାୟଣରୁ ପ୍ରଥମେ ନିଜ ଆକ୍ଟିଙ୍ଗ କ୍ୟାରିୟର ଆରମ୍ଭ କରିଥିଲେ । ହେଲେ ଏହା ତାଙ୍କୁ ଏତେ ସଫଳତା ଦେଇ ନଥିଲେ ମଧ୍ୟ ରାମାୟଣ ସିରିୟଲ ଭାରତୀୟ ଟେଲିଭିଜନ ଇତିହାସର ସବୁଠୁ ସଫଳ ସିରିୟଲ ଭାବେ ଆଜି ବି ଗଣାଯାଏ । ଦୂରଦର୍ଶନରେ ରାମାୟଣ ପ୍ରଥମଥର 1987 ମସିହାରେ ପ୍ରସାରଣ ହୋଇଥିଲା ।
