ନୂଆଦିଲ୍ଲୀ: ମେଡିକାଲରେ ଭର୍ତ୍ତି ହେଲେ କେନ୍ଦ୍ର ଗ୍ରାହକ ବ୍ୟାପାର, ଖାଦ୍ୟ ଏବଂ ଜନସାଧାରଣ ବଣ୍ଟନ ମନ୍ତ୍ରୀ ରାମ ଭିଳାଶ ପାସୱାନ । ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ମନ୍ତ୍ରୀ ରାମ ଭିଳାଶ ପାସୱାନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଏନେଇ ଲୋକ ଜନଶକ୍ତି ପାର୍ଟିର ପ୍ରତିଷ୍ଠାତା ରାମ ଭିଳାଶ ପାସୱାନ ନିଜେ ଟ୍ବିଟ ଜରିଆରେ ସୂଚନା ଦେଇଛନ୍ତି ।
ସେ ଟ୍ୱିଟ କରି କହିଛନ୍ତି, ମୋ ସ୍ବାସ୍ଥ୍ୟ ଖରାପ ହେବା ନେଇ ଯେବେ ଚିରାଗକୁ ଅନୁଭବ ହେଲା ତା କହିବା ଅନୁଯାୟୀ, ମୁଁ ଏକ ଡାକ୍ତରଖାନା ଯାଇ ଚିକିତ୍ସା କରୁଥିଲି । ମୁଁ ବର୍ତ୍ତମାନ ଖୁସି ଯେ ଏଭଳି ସମୟରେ ମୋ ପୁଅ ଚିରାଗ ମୋ ସହିତ ରହି ଯଥାସମ୍ଭବ ମୋର ସେବା କରୁଛି । ମୋ ସେବା ସହ ପାର୍ଟି ଦାୟିତ୍ବ ମଧ୍ୟ ସେ ଯଥାସମ୍ଭବ କରୁଛି’ । ତେବେ ମନ୍ତ୍ରୀ ଏହିପରି ତିନୋଟି ଟ୍ବିଟ ଜରିଆରେ ନିଜ ସ୍ବାସ୍ଥ୍ୟ ସମ୍ବନ୍ଧୀୟ ସୂଚନା ଦେଇଛନ୍ତି ।
