ନୂଆଦିଲ୍ଲୀ: ଦେଶରେ ମହାମାରୀ କରୋନା ସଂକଟ ଜାରି ରହିଥିବା ବେଳେ ମଧ୍ୟ ଭାରତ ନିଜର ବିକାଶ ଆଭିମୁଖ୍ୟରେ ପ୍ରତିଶୃତିବଦ୍ଧ ରହିଛି । ଆଜି ଯାହା ପ୍ରମାଣିତ ହୋଇଛି ।
ଶୁକ୍ରବାର ନୂଆଦିଲ୍ଲୀ ପ୍ରତିରକ୍ଷା ମନ୍ତ୍ରଣାଳୟରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଭିଡିଓ କନଫରେନ୍ସି ଯୋଗେ କୈଳାଶ ମାନସରୋବରକୁ ସଂଯୋଗ କରୁଥିବା ଏକ ଲିଙ୍କ ରୋଡକୁ ଉଦଘାଟନ କରିଛନ୍ତି ।
ସୂଚନା ଅନୁସାରେ ଧର୍ଚୁଲା(ଉତ୍ତରାଖଣ୍ଡ)ରୁ ଲିପୁଲେଖ(ଚୀନସୀମା) ପର୍ଯ୍ୟନ୍ତ ଏକ ନୂଆ ସଡକକୁ ଉଦଘାଟନ କରିଛନ୍ତି । ଏହି ରାସ୍ତା ଉଦଘାଟନ ହେବାଦ୍ବାରା ବିଶେଷ କରି ଭାରତୀୟ ସେନାକୁ ଫଳପ୍ରଦ ହେବ । ସେନା ଆବଶ୍ୟକତା ଅନୁସାରେ ସମସ୍ତ ସାମଗ୍ରୀ ସୀମାକୁ ପରିବହନ କରିପାରିବ । ଦିନେ ଯେଉଁ ଚୀନ ସୀମାକୁ ଯିବାପାଇଁ ସେନାକୁ ଅନେକ ସମସ୍ୟା ସାମନା କରିବାକୁ ପଡୁଥିଲା ଏବେ ତାହା ଆଉ ନାହିଁ ।
ବର୍ତ୍ତମାନର କେନ୍ଦ୍ର ସରକାର ଦେଶର ଅଖଣ୍ଡତା ଓ ସାର୍ବଭୌମତକୁ ଅକ୍ଷୁର୍ଣ୍ଣ ରଖିବା ପାଇଁ ସୀମାକୁ ମଜବୁତ କରିବା ଉପରେ ଗୁରୁତ୍ବ ଦେଉଛନ୍ତି । ବିଶେଷ କରି ଉତ୍ତର ପୂର୍ବାଞ୍ଚଳ ରାଜ୍ୟ ଓ ଚୀନ ସୀମାବର୍ତ୍ତୀ ଅଞ୍ଚଳରେ ରାଜପଥ ଓ ରେଳପଥ ନିର୍ମାଣ ଯୋରଦାର କରୁଛି ଆମ ସେନା । ଆଜି ତାହାର ଏକ ଅଶଂ ଉଦଘାଟିତ ହୋଇଛି ।
ଏହି ଉଦଘାଟନୀ କାର୍ଯ୍ୟକ୍ରମରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ସିଡିଏସ ଜେନେରାଲ ବିପିନ ରାୱତ, ସ୍ଥଳସେନା ମୁଖ୍ୟ ଏମଏମ ନରଭାଣେ ଓ ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ ।
@ ANI
