ରାଜସ୍ଥାନ ରାଜନୀତି ରଣ: ଗେହଲଟ ବନାମ ପାଇଲଟ

Published : Jul 20, 2020, 6:44 AM IST

Updated : Jul 20, 2020, 2:17 PM IST

14:16 July 20

କଂଗ୍ରେସ ବିଧାୟକଙ୍କ ବଡ ବୟାନ

କଂଗ୍ରେସ ବିଧାୟକ ଗିରାଜ ସିଂ ମାଲିଙ୍ଗାଙ୍କ ବଡ ବୟାନ
କହିଲେ ଖୋଦ ସଚିନ ପାଇଲଟ ମୋତେ ଦେଇଛନ୍ତି ପଇସାର ଅଫର
35 କୋଟି ଦେବା ପାଇଁ କରିଥିଲେ ଅଫର
ବିଜେପି ସହିତ ଯିବାକୁ ସଚିନ ପାଇଲଟ କହିଥିଲେ

13:08 July 20

ମାନେସର ରିସୋର୍ଟରେ ନାହାଁନ୍ତି କୌଣସି ବିଧାୟକ

ମାନେସର ରିସୋର୍ଟରେ ନାହାଁନ୍ତି କୌଣସି ବିଧାୟକ
ଚିଠି ଲେଖି ଜଣାଇଲେ ରିସୋର୍ଟ କର୍ତ୍ତୃପକ୍ଷ
ଏହାସହ ଏଠାରେ କୌଣସି ଭୱର ଲାଲ ଶର୍ମା ନାମଧାରୀ ବ୍ୟକ୍ତି ନଥିବା ରିସୋର୍ଟ ମ୍ୟାନେଜରଙ୍କ ଦାବି
ଗତକାଲି ବିଳମ୍ବିତ ରାତିରେ ରିସୋର୍ଟରେ ଏସଓଜି ଟିମ୍‌ ପହଞ୍ଚି କରୁଥିଲା ପଚରାଉଚରା

12:30 July 20

ଫୋନ ଟ୍ୟାପିଂ ମାମଲା, କେନ୍ଦ୍ରକୁ ଉତ୍ତର ଦେବ ଗୃହ ବିଭାଗ

ଫୋନ ଟ୍ୟାପିଂ ମାମଲାରେ କେନ୍ଦ୍ର ଗୃହ ମନ୍ତ୍ରଣାଳୟର ଜବାବ ତଲବ ପ୍ରସଙ୍ଗ
ମୁଖ୍ୟ ଶାସନ ସଚିବ ନୁହେଁ ଗୃହ ବିଭାଗ ଦେବ ଉତ୍ତର : ସୂତ୍ର

11:42 July 20

ଅଭିଷେକ ମନୁଙ୍କ ଦଲିଲ

ଏହି ଯାଚିକା ବାଚସ୍ପତିଙ୍କ ଦ୍ବାରା ଜାରି କରାଯାଇଥିବା କାରଣ ଦର୍ଶାଅ ନୋଟିସ ଉପରେ ଆଧାରିତ
ଯଦି ବାଚସ୍ପତି ବିଧାୟକଙ୍କୁ ନିଲମ୍ବିତ କରିଥାନ୍ତେ ତାହେଲେ କୋର୍ଟରେ ଯାଚିକା ଦାଖଲ ହୋଇପାରିଥାନ୍ତା
କେବଳ ନୋଟିସ ଜାରି ଉପରେ କୋର୍ଟରେ ମାମଲା ଦାଖଲ କରାଯାଏ ନାହିଁ

11:14 July 20

ରାଜସ୍ଥାନ ଘୋଡାବେପାରର ଅଡିଓ ଟେପ୍‌ ମାମଲା: କେନ୍ଦ୍ରମନ୍ତ୍ରୀଙ୍କୁ ଏସଓଜିର ନୋଟିସ

ରାଜସ୍ଥାନ ଘୋଡାବେପାରର ଅଡିଓ ଟେପ୍‌ ମାମଲା
କେନ୍ଦ୍ରମନ୍ତ୍ରୀ ଗଜେନ୍ଦ୍ର ସିଂ ଶେଖାୱତଙ୍କୁ ଏସଓଜିର ନୋଟିସ
ଭଏସ ସାମ୍ପୁଲ ନେବା ପାଇଁ ନୋଟିସ ପଠାଇଲା ଏସଓଜି
ପୂର୍ବତନ ମନ୍ତ୍ରୀ ବିଶ୍ବେନ୍ଦ୍ର ସିଂ ଓ ଭୱର ଲାଲ ଶର୍ମାଙ୍କୁ ବି ନୋଟିସ

10:47 July 20

ଅଭିଷେକ ମନୁ ସଙ୍ଘଭୀଙ୍କ ଦଲିଲ

ବିଧାୟକଙ୍କ ଦ୍ବାରା ଦିଆଯାଇଥିବା ଯାଚିକାକୁ ଖାରଜ କରାଯାଉ
ଜାନୁଆରୀ 21 ରେ ମଣିପୁର ମାମଲାରେ ସୁପ୍ରିମକୋର୍ଟ ନିଷ୍ପତ୍ତି ନେଇଛନ୍ତି, କୋର୍ଟ ବାଚସ୍ପତିଙ୍କ କ୍ଷମତାରେ ହସ୍ତକ୍ଷେପ କରିପାରିବେ ନାହିଁ : ଅଭିଷେକ ମନୁ ସଙ୍ଘଭୀ

10:08 July 20

ବାଚସ୍ପତିଙ୍କ ନୋଟିସ ବିରୋଧରେ ହାଇକୋର୍ଟରେ ଶୁଣାଣି ଆରମ୍ଭ

ବାଚସ୍ପତିଙ୍କ ନୋଟିସ ବିରୋଧରେ ହାଇକୋର୍ଟରେ ଶୁଣାଣି ଆରମ୍ଭ
ମୁଖ୍ୟବିଚାରପତିଙ୍କ ଖଣ୍ଡପୀଠରେ ଚାଲିଛି ଶୁଣାଣି
ପକ୍ଷ ରଖୁଛନ୍ତି ବାଚସ୍ପତିଙ୍କ ଓକିଲ
ସଚିନ ପାଇଲଟଙ୍କ ସମେତ 19 ବିଧାୟକଙ୍କୁ ବାଚସ୍ପତି ଦେଇଥିବା ନୋଟିସ ବିରୋଧରେ ହାଇକୋର୍ଟରେ ଦାଖଲ ହୋଇଛି ମାମଲା

09:40 July 20

ରାଜସ୍ଥାନ ଘୋଡାବେପାରର ଅଡିଓ ଟେପ୍‌ ମାମଲା: ବିଜେପି ନେତାଙ୍କୁ ଏସଓଜିର ନୋଟିସ

ଜୟପୁର: ରାଜସ୍ଥାନରେ ଦେଖାଦେଇଥିବା କ୍ଷମତା ଯୁଦ୍ଧରେ କଂଗ୍ରେସ ସାମ୍ନାକୁ ଆଣିଥିବା ଘୋଡାବେପାର ମାମଲାର ଅଡିଓ ଟେପ୍‌ ଉପରେ ତଦନ୍ତ ଜାରି ରହିଛି । ଏହାର ତଦନ୍ତ ଏସଓଜି କରୁଥିବାବେଳେ ଘଟଣାକୁ ନେଇ ବିଭିନ୍ନ ନେତାଙ୍କୁ ପଚରା ଉଚରା ଜାରି ରଖିଛି ।

ମାମଲାରେ ଜଣେ ବିଜେପି ନେତାଙ୍କୁ ଏସଓଜି ନୋଟିସ ପଠାଇଥିବା ଜଣାପଡିଛି । କୁସଲଗଡର ଜଣେ ବିଜେପି ନେତାଙ୍କୁ ନୋଟିସ କରାଯାଇଛି । ସେପଟେ ହରିୟାଣାର ମାନେସରରେ ଏସଓଜିର ଟିମ୍‌ ପହଞ୍ଚି ବିଧାୟକ ଭୱରଲାଲ ଶର୍ମାଙ୍କୁ ଖୋଜିବାରେ ଲାଗିଛି ।

06:34 July 20

ବାଚସ୍ପତିଙ୍କ ନୋଟିସ ବିରୋଧରେ ଆଜି ହାଇକୋର୍ଟରେ ହେବ ଶୁଣାଣି

ଜୟପୁର: ରାଜସ୍ଥାନ କ୍ଷମତା ରାଜନୀତିରେ ଆଜି ଆସିପାରେ ଟ୍ବିଷ୍ଟ୍‌ । ବାଚସ୍ପତିଙ୍କ ନୋଟିସ ବିରୋଧରେ ଆଜି ହାଇକୋର୍ଟରେ ହେବ ଶୁଣାଣି । ଯାହା କିଛି ଦିନ ଧରି ରାଜ୍ୟରେ ଦେଖାଦେଇଥିବା ରାଜନୈତିକ ଅସ୍ଥିରତାକୁ ଭିନ୍ନ ଏକ ଦିଗକୁ ନେବ ବୋଲି ଚର୍ଚ୍ଚା ହେଉଛି ।

ମୁଖ୍ୟମନ୍ତ୍ରୀ ଅଶୋକ ଗେହଲଟ ଓ ସଚିନ ପାଇଲଟଙ୍କ ମଧ୍ୟରେ ଦେଖାଦେଇଥିବା କ୍ଷମତା କନ୍ଦଳ ଭିତରେ ଆଜି ଆସିପାରେ ହାଇକୋର୍ଟଙ୍କ ରାୟ । ସଚିନଙ୍କ ସମେତ 19 ବିଦ୍ରୋହୀ କଂଗ୍ରେସ ବିଧାୟକଙ୍କୁ ବାଚସ୍ପତି ନୋଟିସ ପଠାଇଥିବାବେଳେ ତାହାର ଆଜି ଶୁଣାଣି ରହିଛି । ତେବେ ଏହି ଶୁଣାଣି ଅନେକ ଗୁରୁତ୍ବବହନ କରୁଛି ।

ଯଦି ସଚିନଙ୍କ ସପକ୍ଷରେ ଶୁଣାଣି ଯାଏ ତେବେ ସଚିନଙ୍କ ପାଇଁ ଅନେକ ରାସ୍ତା ଖୋଲିପାରେ । ହେଲେ ଯଦି ବାଚସ୍ପତି ତଥା ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ସପକ୍ଷରେ ଶୁଣାଣି ହୁଏ ତେବେ ସଚିନଙ୍କ ପାଇଁ ଅନେକ ଦ୍ବାର ବନ୍ଦ ହୋଇଯାଇପାରେ ବୋଲି ଚର୍ଚ୍ଚା ହେଉଛି ।

ସୂଚନାଥାଉକି, କଂଗ୍ରେସ କ୍ଷମତା କନ୍ଦଳ ଭିତରେ ବିଧାୟକ ଦଳ ବୈଠକକୁ ସଚିନଙ୍କ ସମେତ 19 ବିଧାୟକ ଆସିନଥିବାରୁ ତାଙ୍କ ବିରୋଧରେ ବାଚସ୍ପତି ନୋଟିସ ପଠାଇଥିଲେ । ଯାହାକୁ ନେଇ ହାଇକୋର୍ଟ ଯାଇଥିଲେ ସଚିନ । ତେବେ ଏହାର ଆଜି ଶୁଣାଣି ରହିଛି ।

ଅନ୍ୟପଟେ ରାଜସ୍ଥାନରେ ଘୋଡାବେପାରକୁ ନେଇ ମଧ୍ୟ ରାଜନୈତିକ ଉଷ୍ମତା ଦେଖାଦେଇଛି । ଘୋଡାବେପାରକୁ ନେଇ ଏକ ଭାଇରାଲ ଅଡିଓକୁ ଆଧାର କରି କଂଗ୍ରେସ ବିଜେପିକୁ ଦାୟୀ କରିବା ସହ ବିଜେପି ନେତାଙ୍କ ବିରୋଧରେ ଅଭିଯୋଗ ଆଣିଛି । ସେପଟେ ଏହାର ପ୍ରତିଜବାବରେ ଫୋନ ଟ୍ୟାପିଂର ଅଭିଯୋଗ ବିଜେପି ଆଣି ଏହାର ସିବିଆଇ ତଦନ୍ତ ଦାବି କରିଛି । ତେବେ ଏସବୁ ଭିତରେ ଏସଓଜି ଘୋଡାବେପାର ମାମଲାରେ ଜଣଙ୍କୁ ଗିରଫ କରିବା ଓ ଫୋନ ଟ୍ୟାପିଂକୁ ନେଇ କେନ୍ଦ୍ର ଗୃହମନ୍ତ୍ରଣାଳୟ ରାଜ୍ୟ ସରକାରଙ୍କୁ ଜବାବ ମାଗିବା ଖବରକୁ ଅଧିକ ଚର୍ଚ୍ଚାର ପରିସରକୁ ଆଣିଛି ।