ନୂଆଦିଲ୍ଲୀ: ମୋ' ଠାରୁ ଭଲ ଅଭିନେତା ଅଟନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋର 3 ବର୍ଷର ଅଭିନୟ ପ୍ରଶିକ୍ଷଣ ମୋଦିଙ୍କ ଆଗରେ ଫିକା ପଡି ଯାଇଛି । ଏବେ ଭାବୁଛି ସେହି ପ୍ରଶିକ୍ଷଣ ବଦଳରେ ମୋଦି ଯେଉଁ ସ୍କୁଲରେ ପଢୁଥିଲେ ସେହି ସ୍କୁଲରେ ପଢିଥିଲେ ଭଲ ହୁଅନ୍ତା । ତା' ଦ୍ବାରା ମତେ ମଧ୍ୟ ଡ୍ରାମା କରିବାର ଅଭ୍ୟାସ ହୋଇଯାନ୍ତା ବୋଲି କହିଛନ୍ତି ଅଭିନେତା ରାଜ ବବର ।
ରବିବାର ଆଗ୍ରାର ଉତ୍ତର ବିଧାନସଭା ଉପନିର୍ବାଚନରେ ନିଜ ମତାଧିକାର ସାବ୍ୟସ୍ତ କରିବା ପରେ ମୋଦିଙ୍କୁ ସମାଲୋଚନା କରି ଏଭଳି କହିଛନ୍ତି କଂଗ୍ରେସ ପ୍ରଦେଶ ଅଧ୍ୟକ୍ଷ ରାଜ ବବର । ମୋଦିଙ୍କ ସାଧନା ଉପରେ ପ୍ରଶ୍ନ କରିବାରୁ ଏଭଳି କହିଛନ୍ତି ସେ ।
ସୂଚନା ଯୋଗ୍ୟ ଯେ, ଲୋକସଭା ନିର୍ବାଚନର ଶେଷ ପର୍ଯ୍ୟାୟ ମତଦାନ ପାଇଁ ପ୍ରଚାର ସରିବା ପରେ ଶନିବାର କେଦାନନାଥର ଏକ ଗୁମ୍ଫାରେ ଧ୍ୟାନ ମୁଗ୍ଧ ହୋଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହା ପରେ ବିଭିନ୍ନ ମହଲରେ ତାଙ୍କୁ ସମାଲୋଚନା କରାଯାଇଛି । ବିରୋଧୀ ଦଳଠାରୁ ଆରମ୍ଭ କରି ସାଧାରଣ ଲୋକ ପର୍ଯ୍ୟନ୍ତ ସମସ୍ତେ ତାଙ୍କୁ ସମାଲୋଚନା କରିଛନ୍ତି ।
