ଡେରାଡୁନ: ଉତ୍ତରାଖଣ୍ଡରେ ବାଦଲ ଫଟା ବର୍ଷା । ଚଳିତ ମୌସୁମୀରେ ସବୁଠାରୁ ବେଶି କ୍ଷତି ହୋଇଛି ପିଥୋରାଗଡ ଜିଲ୍ଲାର । ଆଜିଠୁ ଠିକ ତିନିଦିନ ପୂର୍ବରୁ ବର୍ଷା ଓ ଭୂସ୍ଖଳନ ଯୋଗୁଁ ଅନେକ ଲୋକ ପ୍ରାଣ ହରାଇଥିଲେ । ହେଲେ ଜିଲ୍ଲାରେ ଲଗାଣ ବର୍ଷା ଜିଲ୍ଲାବାସୀଙ୍କ ନାକେଦମ କରିଛି । ବିଳମ୍ବିତ ରାତିରୁ ବର୍ଷା ଆରମ୍ଭ ହୋଇଥିବା ବେଳେ ପିଥୋରାଗଡର ମୁନ୍ସିୟାରୀ, ବାଗପାନି, ମାଲକୋଟ ଅଞ୍ଚଳରେ ପ୍ରବଳ କ୍ଷୟକ୍ଷତି ଘଟିଛି ।
ଲଗାଣ ବର୍ଷାରେ ବ୍ରିଜ ଧୋଇଯିବା ସହ ରାସ୍ତା ମଧ୍ୟ ଭାଙ୍ଗିଯାଇଛି। ଅନେକ ସ୍ଥାନରେ ଭୂସ୍ଖଳନ ହେତୁ ଘର ଭାଙ୍ଗିଯିବାର ସୂଚନା ରହିଛି। ଅନ୍ୟପଟେ ଲୋକମାନେ ଭୟଭୀତ ଅବସ୍ଥାରେ ଥିବା ବେଳେ ଘର ଛାଡି ବାହାରେ ଆଶ୍ରୟ ନେଇଛନ୍ତି । ଅନ୍ୟପଟେ କ୍ଷୟକ୍ଷତି ହୋଇଥିବା ଅଞ୍ଚଳ ମାନଙ୍କରେ ପ୍ରଶାସନ ପହଞ୍ଚିବା ନେଇ ମଧ୍ୟ ଅସୁବିଧା ଉପୁଜିଛି ।
ପ୍ରବଳ ବର୍ଷା କାରଣରୁ ମାଡି ଧସି କଲଭର୍ଟ ଭାସିଯିବାରୁ ଜିଲ୍ଲାର ଲୁମତି ଠାରୁ ମାଡକୋଟ ପର୍ଯ୍ୟନ୍ତ 100 ରୁ ଅଧିକ ଗାଁ ପିଥୋରାଗଡରୁ ବିଚ୍ଛିନ୍ନ ହୋଇଛନ୍ତି । ଆର୍ଥିକ ଦୃଷ୍ଟିରୁ ଅନେକ କ୍ଷୟକ୍ଷତି ହୋଇଥିବା ବେଳେ କୌଣସି ମୃତାହତ ନେଇ ସୂଚନା ନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
