ନୂଆଦିଲ୍ଲୀ:ଦିନକୁ ଦିନ ରାଜ୍ୟରେ ବୃଦ୍ଧି ପାଇବାରେ ଲାଗିଛି ଦୁର୍ଘଟଣା ହାର । ବହୁ ସଚେତନତା ପରେ ଲୋକମାନେ ଚେତିବାରେ ନାଁ ନେଉନାହାଁନ୍ତି । ସେଥିମଧ୍ୟରୁ ଅନେକ ସମୟରେ ଦୁର୍ଘଟଣା ଟ୍ରେନ ଲାଇନରେ ଯାତାୟତ ପାଇଁ ହୋଇଥାଏ ।
ତେବେ ଏହି ଦୁର୍ଘଟଣାରେ ମୃତ୍ୟୁ ହାର କମାଇବା ଏକ ପ୍ରକାର କଷ୍ଟ ସାଧ୍ୟ ହୋଇଯାଇଛି । କିନ୍ତୁ ବର୍ତ୍ତମାନ ପଶ୍ଚିମ ରେଲୱେ ଏହି ଅସୁବିଧାର ସମାଧାନ କରିଦେଇଛି । ଏଥିପାଇଁ ରେଳ ବିଭାଗରେ ଦେଇଛି ଯମରାଜକୁ ନିଯୁକ୍ତି । ଯିଏକି ଲୋକମାନଙ୍କୁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସରୁକ୍ଷିତ ସ୍ଥାନାନ୍ତରିତ କରିବା ସହ ନିଜ ଗଦାରେ ମାଡମାରି ସାବାଡ୍ କରୁଛନ୍ତି । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ନିଜେ ରେଳବିଭାଗ ଏହି ଭିଡିଓଟିକୁ ଟ୍ବିଟରେ ପୋଷ୍ଟ କରିଛି ।
ସୂଚନା ଅନୁସାରେ,ଏହି ସଚେତନତା କାର୍ଯ୍ୟକ୍ରମ ଆନ୍ଧେରୀ ଓ ମଲାଡ ଷ୍ଟେସନରେ ଆରମ୍ଭ କରାଯାଇଛି । ଏହି ଷ୍ଟେସନରେ ଅଧିକାଂଶ ଲୋକ ଗୋଟିଏ ସ୍ଥାନରୁ ଅନ୍ୟସ୍ଥାନକୁ ଯିବାକୁ ରେଳ ଟ୍ରାକର ସହାୟତା ନେଇଥାନ୍ତି । ଲୋକଙ୍କୁ ସୁରକ୍ଷିତ ସ୍ଥାନରେ ପହଞ୍ଚାଇବା ସହ ରେଳଟ୍ରାକରେ ଯିବାକୁ ଯମରାଜ ପରାମର୍ଶ ଦେଉଛନ୍ତି ।
ଯେଉଁମାନେ ଏହି ନିୟମର ବେଖାତିର କରୁଛନ୍ତି ଖୋଦ୍ ଯମରାଜ ସେମାନଙ୍କୁ କାନ୍ଧରେ ଉଠାଉଥିବା ଭିଡିଓରେ ଦେଖିବାକୁ ମିଳିଛି । ତେବେ ରେଳବିଭାଗ ଏହି ଫଟୋକୁ ପୋଷ୍ଟ କରି ଲେଖିଛନ୍ତି କି ନିୟମ ଉଲ୍ଲଙ୍ଘନ କରି ରେଳ ଟ୍ରାକ ଅତିକ୍ରମ କରନ୍ତୁ ନାହିଁ । ଯଦି ଏପରି କରୁଛନ୍ତି ଆଗରେ ଯମରାଜ ଜଗିଛନ୍ତି ।
