ନୂଆଦିଲ୍ଲୀ: ଇତିହାସ ସୃଷ୍ଟି କଲା ଭାରତୀୟ ରେଳବାଇ । 'ଆନାକୋଣ୍ଡା' ଷ୍ଟାଇଲରେ ତିଆରି କଲା ଟ୍ରେନ୍ । ଦକ୍ଷିଣ ପୂର୍ବ କେନ୍ଦ୍ରୀୟ ରେଳବାଇ (SECR)ତିନୋଟି ଟ୍ରେନକୁ ଯୋଡ଼ି ଆନାକୋଣ୍ଡା ପରି ଟ୍ରେନ ତିଆରି କଲା ଭାରତୀୟ ରେଳବାଇ । ଏହି ଟ୍ରେନଗୁଡ଼ିକର ଭାର 15000 ଟନରୁ ଅଧିକ ଥିବାବେଳେ ଏହା ବିଳାସପୁର ଏବଂ ଚକ୍ରଧରପୁର ବିଭାଗ ମଧ୍ୟରେ ଚାଲିଥିଲା । ଏନେଇ ଭାରତୀୟ ରେଳବାଇର ଅଫିସିଆଲ୍ ଟ୍ୱିଟର ଆକାଉଣ୍ଟ ଏହାର ଭିଡିଓ ସେୟାର କରିଛି ।
ସୁପର ଆନାକୋଣ୍ଡା' ଥ୍ରୀ ଇନ୍ ୱାନ୍ ପରିବହନ ସେବାରେ 177 ୱାଗନ୍ ଏବଂ 6000 ଏଚପି କ୍ଷମତା ବିଶିଷ୍ଟ ତିନୋଟି ଇଲେକ୍ଟ୍ରିକ୍ ଇଞ୍ଜିନ୍ ଥିବା ଜଣାଯାଇଛି । ଏହି ସଫଳତା ସମଗ୍ର ବିଶ୍ୱରେ ପ୍ରଥମ ଥିଲା । ଏଥି ସହିତ ଏହା ଗ୍ରୀନ୍ ଇଣ୍ଡିଆର ଉଚ୍ଚାଭିଳାଷୀ ମିଶନକୁ ଭାରତୀୟ ରେଳବାଇ ପାଇଁ ଏକ ନୂତନ ସବୁଜ ପଦକ୍ଷେପ ଭାବରେ ପ୍ରୋତ୍ସାହିତ କରିବ ।
