ନୂଆଦିଲ୍ଲୀ: ଦୀର୍ଘ 70 ବର୍ଷ ପରେ ବଦଳିଲା ଭାରତର ଇତିହାସ । ଜମ୍ମୁ-କାଶ୍ମୀରରୁ ଉଚ୍ଛେଦ ହେଲା ଧାରା 370 ଓ 35(ଏ) । ଏନେଇ ଗତକାଲି ଦେଶ ଉଦ୍ଦେଶ୍ୟରେ ଅଭିଭାଷଣ ରଖିଥିଲେ ପ୍ରଧାନମନ୍ତ୍ରୀ ମୋଦି । ତେବେ ମୋଦିଙ୍କ ଉଦବୋଧନ ପୂର୍ବରୁ ରାହୁଲ ଗାନ୍ଧୀ ଏନେଇ ପ୍ରତିକ୍ରିୟା ପ୍ରକାଶ କରିଛନ୍ତି ।
ଉଭୟ ରାଜ୍ୟସଭା ଓ ଲୋକସଭାରେ ପାରିତ ହୋଇଛି ଜମ୍ମୁ-କାଶ୍ମୀରରୁ 370 ଧାରା ଉଚ୍ଛେଦ ବିଲ । କଂଗ୍ରେସ ପକ୍ଷରୁ ଜୋରଦାର ବିରୋଧ କରାଯାଇଥିବା ସତ୍ତ୍ବେ ବିଲଟି ପାରିତ ହୋଇଛି । ଯାହାକୁ ନେଇ ଗତକାଲି ମୋଦି ଦେଶବାସୀଙ୍କୁ ଉଦ୍ଦେଶ୍ୟରେ ଅଭିଭାଷଣ ରଖିଥିଲେ । ତେବେ ପ୍ରଧାନମମନ୍ତ୍ରୀଙ୍କ ସମ୍ବୋଧନ ପୂର୍ବରୁ ରାହୁଲ ଗାନ୍ଧୀଙ୍କୁ ଏନେଇ ଏକ ପ୍ରଶ୍ନ କରାଯାଇଥିଲା । ଯାହାକୁ ନେଇ ସେ ବିରକ୍ତି ଭାବ ପ୍ରକାଶ କରିବା ସହ 'ଡୋଣ୍ଟ ଡିଷ୍ଟର୍ବ ମି' କହିଥିଲେ ରାହୁଲ ଗାନ୍ଧୀ ।
ଏପରିକି ଧାରା 370କୁ ନେଇ ସେ କୌଣସି ଟିପ୍ପଣୀ ଦେବାକୁ ମନା କରିଦେଇଥିଲେ । ରାଜ୍ୟସଭାରେ 125ଜଣ ସମର୍ଥନ ଜଣାଇଥିବା ବେଳେ 61 ଜଣ ବିରୋଧ କରିଥିଲେ । ସେହିପରି ଲୋକସଭାରେ ମଧ୍ୟ 370 ସକ୍ଷପରେ ଯାଇଥିବା ବେଳେ 70ଜଣ ବିପକ୍ଷରେ ଥିଲେ । ଉଭୟ ଗୃହରେ ଏହି ବିଲଟି ପାସ ହେବା ପରେ କଂଗ୍ରେସରେ ଫାଟ ସୃଷ୍ଟି ହୋଇଛି । କେତେକ ଏହି ବିଲକୁ ସମର୍ଥନ କରିଥିବା ବେଳେ କେତେକ ଏହାକୁ ବିରୋଧ କରିଛନ୍ତି ।
