ନୂଆଦିଲ୍ଲୀ: ରାଫେଲ ଡିଲ ପ୍ରସଙ୍ଗରେ ଦେଇଥିବା 'ଚୌକିଦାର ଚୋର ହୈ' ମନ୍ତବ୍ୟକୁ ନେଇ କ୍ଷମା ମାଗିଲେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ସେ ଏକ ସାମ୍ବାଦିକ ସମ୍ମିଳନୀରେ ମୋଦିଙ୍କୁ ଟାର୍ଗେଟ କରି କହିଥିଲେ ଯେ, ରାଫେଲ ମାମଲାରେ ସୁପ୍ରିମକୋର୍ଟ ମଧ୍ୟ ମାନି ନେଇଛନ୍ତି ଯେ, 'ଚୌକିଦାର ଚୋର ହେ' ।
ଏହାପରେ ରାହୁଲଙ୍କ ବିରୋଧରେ ବିଜେପି ସାଂସଦ ମିନାକ୍ଷୀ ଲେଖି ଏକ ଯାଚିକା ଦାଏର କରିଥିଲେ । ଆଉ ଏହି ମାମଲାର ବିଚାର କରି ସୁପ୍ରିମକୋର୍ଟ ଏପ୍ରିଲ 15 ତାରିଖରେ ରାହୁଲ ଗାନ୍ଧିଙ୍କୁ ନୋଟିସ ଜାରି କରିଥିଲେ । କୋର୍ଟ ରାହୁଲଙ୍କୁ ଏପ୍ରିଲ 22 ତାରିଖ ସୁଦ୍ଧା ନିଜ ପକ୍ଷ ରଖିବାକୁ ନୋଟିସ ଦେଇଥିଲେ ।
ଯାହାକୁ ନେଇ ସୋମବାର ରାହୁଲ ନିଜର ପକ୍ଷ ରଖି କ୍ଷମା ପ୍ରାର୍ଥନା କରିଛନ୍ତି । ଆଉ ସୁପ୍ରିମକୋର୍ଟ ଏଭଳି କିଛି ମନ୍ତବ୍ୟ ଦେଇନଥିବା ସେ କହିଛନ୍ତି । ମୋର କହିବାର କଥା ଅଲଗା ଥିଲା କିନ୍ତୁ ଏହାକୁ ବିରୋଧୀ ମାନେ ଭୁଲ ଢଙ୍ଗରେ ଉପସ୍ଥାପନା କରିଥିବା କହିଛନ୍ତି ରାହୁଲ ।
