ମୁମ୍ବାଇ: ଜେଏନୟୁ ହିଂସାକୁ ବିରୋଧ କରି ସୋମବାରଠାରୁ ମୁମ୍ବାଇର ଗେଟ-ୱେ ଅଫ୍ ଇଣ୍ଡିଆରେ ବିରୋଧ ପ୍ରଦର୍ଶନ କରାଯାଉଥିଲା । ଆଜି(ମଙ୍ଗଳବାର) ପ୍ରଦର୍ଶନକାରୀଙ୍କୁ ସେଠାରୁ ଉଠାଇ ନେଇ ଆଜାଦ ମୈଦାନରେ ଛାଡିଛି ପୋଲିସ ।
ଗେଟ-ୱେ ଅଫ୍ ଇଣ୍ଡିଆରେ ପ୍ରଦର୍ଶନର ଅନୁମତି ନଥିବାରୁ ପୋଲିସ ଏପରି କରିଛି । ପ୍ରଦର୍ଶନକାରୀଙ୍କୁ ସ୍ଥାନାନ୍ତର କରିବା ସମୟରେ ଦୁଇ ଗୋଷ୍ଠୀ ମଧ୍ୟରେ ଠେଲାପେଲା ପରିସ୍ଥିତି ସୃଷ୍ଟି ହୋଇଥିଲା । ପ୍ରଥମେ କିଛି ପ୍ରଦର୍ଶନକାରୀଙ୍କୁ ପୋଲିସ ହେପାଜତରେ ନେଇଥିବା ସୂଚନା ମିଳିଥିଲେ ବି ପରେ ପୋଲିସ ପକ୍ଷରୁ କାହାକୁ ଅଟକ ରଖାଯାଇନଥିବା ସ୍ପଷ୍ଟ ହୋଇଛି ।
ମୁମ୍ବାଇରେ ହେଉଥିବା ଆନ୍ଦୋଳନରେ ସୋମବାର ଟେଲିଭିଜନ ଅଭିନେତା ସୁଶାନ୍ତ ସିଂହ ଉପସ୍ଥିତ ଥିଲେ । କେବଳ ସୁଶାନ୍ତ ସିଂହ ନୁହେଁ ବରଂ ଅନେକ କଳାକାର ମୁମ୍ବାଇରେ ବିରୋଧ ପ୍ରଦର୍ଶନ କରିଛନ୍ତି ।
