ଲକ୍ଷ୍ନୌ: ଉତ୍ତର ପ୍ରଦେଶ ଗସ୍ତରେ ପ୍ରିୟଙ୍କା ଗାନ୍ଧୀ ଭଦ୍ରା ଆଜି ପ୍ରଥମ ଥର ପାଇଁ ଆସୁଛନ୍ତି। ଏହା ପୂର୍ବରୁ ପ୍ରିୟଙ୍କାଙ୍କ ମା' ଦୁର୍ଗା ରୂପ ଦେଖିବାକୁ ମିଳିଛି। ତାଙ୍କର ଏହି ରୂପ ବାସ୍ତବରେ ନହେଲେ ବି ବ୍ୟାନରରେ ଦେଖିବାକୁ ମିଳିଛି। ପୂର୍ବ ଉତ୍ତରପ୍ରଦେଶର ବିଭିନ୍ନ ସ୍ଥାନରେ ପ୍ରିୟଙ୍କାଙ୍କ ମା ଦୁର୍ଗା ବେଶର ଏକ ଫଟୋ ଚିତ୍ର ଲାଗିଥିବା ଏହି ବ୍ୟାନର ବିଭିନ୍ନ ସ୍ଥାନରେ ଲାଗିଛି।
ପୂର୍ବ ଉତ୍ତରପ୍ରଦେଶର ମଙ୍ଗ ସମ୍ଭାଳିବା ପରେ ପ୍ରଥମ ଥର ପାଇଁ ଲକ୍ଷ୍ନୌ ଆସୁଛନ୍ତି ପ୍ରିୟଙ୍କା ଗାନ୍ଧୀ ଭଦ୍ରା । ଆଜି(ସୋମବାର) ନବନିଯୁକ୍ତ କଂଗ୍ରେସ ସାଧାରଣ ସମ୍ପାଦିକାଙ୍କ ମିଶନ ଆରମ୍ଭ ହେବ। ସୋମବାର 10.40 ମିନିଟରେ ସେ ଲକ୍ଷ୍ନୌରେ ପହଞ୍ଚିଛନ୍ତି। ସାଙ୍ଗରେ ରହିବେ ଭାଇ ରାହୁଲ ଗାନ୍ଧୀ ଏବଂ ପଶ୍ଚିମ ଉତ୍ତରପ୍ରଦେଶର ପ୍ରଭାରୀ ଏବଂ ମହାସଚିବ ଜ୍ୟୋତିରାନ୍ଧିତ୍ୟ ସିନ୍ଧିୟା। ପ୍ରଥମ ଥର ପାଇଁ ଭାଇ-ଭଉଣୀ ଏକାଠି ରୋଡ ଶୋ କରିବେ।
Banner seen in Lucknow ahead of Congress General Secretary for UP East Priyanka Gandhi Vadra, UP West Jyotiraditya Scindia and party President Rahul Gandhi's visit to the city today. pic.twitter.com/i7Fojhb49m
— ANI UP (@ANINewsUP) February 11, 2019 " class="align-text-top noRightClick twitterSection" data="
">Banner seen in Lucknow ahead of Congress General Secretary for UP East Priyanka Gandhi Vadra, UP West Jyotiraditya Scindia and party President Rahul Gandhi's visit to the city today. pic.twitter.com/i7Fojhb49m
— ANI UP (@ANINewsUP) February 11, 2019Banner seen in Lucknow ahead of Congress General Secretary for UP East Priyanka Gandhi Vadra, UP West Jyotiraditya Scindia and party President Rahul Gandhi's visit to the city today. pic.twitter.com/i7Fojhb49m
— ANI UP (@ANINewsUP) February 11, 2019
ଲକ୍ଷ୍ନୌରୁ ଦିନ 11ଟା 5 ମିନିଟରେ ଆରମ୍ଭ ହେବ ରୋଡ ଶୋ । ଅପରାହ୍ଣ 3ଟାରେ ରାହୁଲ-ପ୍ରିୟଙ୍କାଙ୍କ ରୋଡ ଶୋ ଉତ୍ତରପ୍ରଦେଶ କଂଗ୍ରେସ କାର୍ଯ୍ୟାଳୟରେ ପହଞ୍ଚିବେ। ସେଠାରୁ ବିମାନ ବନ୍ଦର ରୋଡ, ଶହୀଦ ପଥ ତିରାହା, ଅବଧ ଚୌରାହା, ଆଲମବାଗ, ନାଥା ହୋଟେଲ, ହୁସେନ ଗଞ୍ଜ, ବର୍ଲିଗଟନ, ଲାଲବାଗ, ହଜତରଗଞ୍ଜ ଏବଂ ବିକ୍ରମାଦିତ୍ୟ ଛକ ଦେଇ ପ୍ରାୟ 15 କିଲୋମିଟର ପର୍ଯ୍ୟନ୍ତ ଏହି ରୋଡ ଶୋ ଚାଲିବ।
ବିମାନବନ୍ଦର ଠାରୁ କଂଗ୍ରେସ ଭବନ ପର୍ଯ୍ୟନ୍ତ ପ୍ରିୟଙ୍କାଙ୍କ ସ୍ୱାଗତ ନେଇ ଜବରଦସ୍ତ ଆୟୋଜନ କରାଯାଇଛି। ପୁରା ରାସ୍ତା ପ୍ରିୟଙ୍କାଙ୍କ ପୋଷ୍ଟରରେ ପୂର୍ଣ୍ଣ ହୋଇ ରହିଛି। ଚାରିଆଡେ ତାଙ୍କର ଜୟଜୟକାର କରୁଛନ୍ତି ସମର୍ଥକ। ଏନେଇ ଉତ୍ତରପ୍ରଦେଶ କଂଗ୍ରେସ ଅଧ୍ୟକ୍ଷ ରାଜ ବାବର କହିଛନ୍ତି, ଆମେ ହରାଇବା ପାଇଁ ଲଢୁ ନାହୁଁ, ସମ୍ବିଧାନ ବଞ୍ଚାଇବା ପାଇଁ ଆମେ ଲଢୁଛୁ। ପ୍ରିୟକାଙ୍କ ସ୍ୱାଗତ ପାଇଁ ଉତ୍ସାହିତ ହୋଇ ରହିଛନ୍ତି କର୍ମୀ।