ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି(ମଙ୍ଗଳବାର) ସନ୍ଧ୍ୟା 6 ଟାରେ ଦେଶକୁ ସମ୍ବୋଧନ କରିବେ। କୋରୋନା ସଙ୍କଟ ମଧ୍ୟରେ ପ୍ରଧାନମନ୍ତ୍ରୀ ମୋଦି ପୂର୍ବରୁ ଅନେକ ଥର ଦେଶକୁ ସମ୍ବୋଧିତ କରିଛନ୍ତି। ତେବେ ଆଜି ପୁଣି ପ୍ରଧାନମନ୍ତ୍ରୀ ମୋଦି ସମ୍ବୋଧନ କରିବେ ବୋଲି ସୂଚନା ଦେଇଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ବିଟ୍ କରି ଏହା କହିଛନ୍ତି । ପ୍ରକାଶଥାଉକି, ଦେଶରେ କୋରୋନା ଭାଇରସକୁ ସଙ୍କଟ ଜାରି ରହିଛି । ପ୍ରଧାନମନ୍ତ୍ରୀ କ୍ରମାଗତ ଭାବରେ ନିୟମ ପାଳନ କରିବାକୁ ଲୋକଙ୍କୁ ନିବେଦନ କରୁଛନ୍ତି।
ଦେଶରେ ବର୍ତ୍ତମାନ ପର୍ବପର୍ବାଣୀର ସମୟ । ଏପରି ପରିସ୍ଥିତିରେ ସରକାର ପୁଣି ଥରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି ସରକାର । ଯଦିଓ କୋରୋନା ମାମଲା ହ୍ରାସ ଘଟିଛି କିନ୍ତୁ ପର୍ବପର୍ବାଣୀ ପାଇଁ ବଜାର ପୁଣି ଗହଳି ହେବାରେ ଲାଗିଛି । ଯାହାକୁ ନେଇ ପ୍ରଧାନମନ୍ତ୍ରୀ କିଛି କହିପାରନ୍ତି ବୋଲି ଚର୍ଚ୍ଚା ହେଉଛି ।
ପୂର୍ବରୁ ପ୍ରଧାନମନ୍ତ୍ରୀ ମୋଦି ଦେଶକୁ ସମ୍ବୋଧନ କରିବା ସମୟରେ ଦେଶବ୍ୟାପୀ କର୍ଫ୍ୟୁ, ଲକଡାଉନ୍, କୋରୋନା ୱାରିୟର୍ସ ପାଇଁ ଦୀପ ଜାଳିବା ପାଇଁ ଜନତାଙ୍କୁ ଅନୁରୋଧ କରିଥିଲେ ।
