ନୂଆଦିଲ୍ଲୀ: ଦେଶର 78ଟି ଜିଲ୍ଲାରେ ଗତ 14 ଦିନ ମଧ୍ୟରେ କୋରୋନାର କୌଣସି ନୂଆ ମାମଲା ସାମ୍ନାକୁ ଆସିନାହିଁ । ଏନେଇ ଗତ ଗୁରୁବାର ଏକ ସାମ୍ବାଦିକ ସମ୍ମିଳନୀରେ ସ୍ୱାସ୍ଥ୍ୟ ମନ୍ତ୍ରଣାଳୟର ଯୁଗ୍ମ ସଚିବ ଲଭ ଅଗ୍ରୱାଲ କହିଛନ୍ତି ।
ଏଥିସହ ସେ କହିଛନ୍ତି ଯେ, ଲକଡାଉନର 30 ଦିନ ମଧ୍ୟରେ ଆମେ ଭାଇରସ୍ ସଂକ୍ରମଣକୁ ହ୍ରାସ କରିବାରେ ସକ୍ଷମ ହୋଇଛୁ ଏବଂ କୋଭିଡ୍ -19 ର ବିସ୍ତାରକୁ କମ୍ କରିଛୁ । ଲଭ୍ ଅଗ୍ରୱାଲ ଆହୁରି ମଧ୍ୟ କହିଛନ୍ତି, କୋରୋନା ଜୀବାଣୁ ମେ 3 ସୁଦ୍ଧା ହ୍ରାସ ପାଇବ ତାହା କହିବା ଅସମ୍ଭବ ।
AIIMS ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆ କହିଛନ୍ତି ଯେ, ଆରୋଗ୍ୟ ହୋଇଥିବା କୋଭିଡ -19 ରୋଗୀଙ୍କ ରକ୍ତକୁ ନେଇ ବିଭିନ୍ନ କେନ୍ଦ୍ରରେ ଆମେ କନଭୋକେସନ ପ୍ଲାଜମା ବ୍ୟବହାର କରିବା ଆରମ୍ଭ କରିଛୁ । ଏହାଦ୍ବାରା ବହୁ ସଂଖ୍ୟକ ଆରୋଗ୍ୟ ରୋଗୀ ସ୍ୱେଚ୍ଛାକୃତ ଭାବେ ଆସି ରକ୍ତଦାନ କରିଛନ୍ତି ।
