ନୂଆଦିଲ୍ଲୀ: ଆଜି ଦେଶ ପାଳୁଛି 20 ତମ କାର୍ଗିଲ ବିଜୟ ଦିବସ । ଏହି ଅବସରରେ ସମଗ୍ର ଦେଶର ଅନେକ ସ୍ଥାନରେ ଉତ୍ସବ ଆୟୋଜନ ହେଉଛି । ସେହିପରି କାର୍ଗିଲ ଜିଲ୍ଲାର ଦ୍ରାସରେ ମଧ୍ୟ ଉତ୍ସବର ଆୟୋଜନ କରାଯାଇଛି । ଏନେଇ ସରିଛି ସମସ୍ତ ପ୍ରସ୍ତୁତି ।
ଏହି ଉତ୍ସବରେ ଆଜି ଜମ୍ମୁ-କାଶ୍ମୀର ରାଜ୍ୟପାଳ ସତ୍ୟପାଲ ମଲିକ, ସେନାମୁଖ୍ୟ ଜେନେରାଲ ବିପିନ ରାଓ୍ଵତ, ବାୟୁସେନା ମୁଖ୍ୟ ବୀରେନ୍ଦର ସିଂହ ଧାନଓ୍ଵା, ନୌସେନା ମୁଖ୍ୟ କରମବୀର ସିଂହ ଯୋଗ ଦେବେ ।
ଆଜି ‘ବିଜୟ ଶିଖା’କୁ ସେନାମୁଖ୍ୟ ଦ୍ରାସରେ ଗ୍ରହଣ କରିବେ । ଏହାସହ ଏହାକୁ କାର୍ଗିଲ ଯୁଦ୍ଧ ସ୍ମାରକୀ ଠାରେ ଥିବା ଚିରନ୍ତନ ଶିଖାରେ ମିଶାଇ ଦିଆଯିବ । ଜୁଲାଇ ୧୪ ତାରିଖ ଦିଲ୍ଲୀର ଜାତୀୟ ଯୁଦ୍ଧ ସ୍ମାରକୀରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏହାକୁ ପ୍ରଜ୍ଜ୍ବଳିତ କରିଥିଲେ ।
ସେପଟେ ବିଜୟ ଦିବସ ଉପଲକ୍ଷେ ପ୍ରଧାନମନ୍ତ୍ରୀ ମୋଦି ସଂସଦରେ ଆୟୋଜିତ ବୃକ୍ଷରୋପଣ କାର୍ଯ୍ୟକ୍ରମରେ ଭାଗ ନେବେ । ସେହିପରି କାର୍ଗିଲ ବିଜୟ ଦିବସ ଅବସରରେ ମୁମ୍ବାଇରେ ସେଲିବ୍ରେଟି ଫୁଟବଲ ମ୍ୟାଚ୍ର ଆୟୋଜନ କରାଯାଇଛି । ଏଥିରେ ଅଭିଷେଖ ବଚ୍ଚନ, ଅର୍ଜୁନ କପୁର ଏବଂ ରଣବୀର କପୁର ଭଳି ଅଭିନେତା ଭାଗ ନେବେ ।
