ନୂଆଦିଲ୍ଲୀ: କାରଗିଲ ବିଜୟ ଦିବସ ଅବସରରେ ସେନାର ଆର ଆଣ୍ଡ ଆର ହସ୍ପିଟାଲକୁ 20 ଲକ୍ଷ ଟଙ୍କା ଦାନ କରିଛନ୍ତି ରାଷ୍ଟ୍ରପତି ରାମ ନାଥ କୋବିନ୍ଦ । ଏହା କୋରୋନା ମହାମାରୀର ମୁକାବିଲା ପାଇଁ ଡାକ୍ତର ଏବଂ ହସ୍ପିଟାଲର ଅନ୍ୟାନ୍ୟ କର୍ମଚାରୀଙ୍କୁ ମାନଙ୍କୁ ସାହାଯ୍ୟ କରିବ। ଏହି ଟଙ୍କା କୋରୋନା ଯୋଦ୍ଧାଙ୍କ ପାଇଁ ଏୟାର ଫିଲ୍ଟରିଂ ଉପକରଣ କିଣିବାରେ ବ୍ୟବହୃତ ହେବ । ଡାକ୍ତରଖାନାରେ ଫ୍ରଣ୍ଟଲାଇନ କୋରୋନା ଯୋଦ୍ଧାଙ୍କ ମନୋବଳ ବଢାଇବା ପାଇଁ ରାଷ୍ଟ୍ରପତି ଏଭଳି ନିଷ୍ପତ୍ତି ନେଇଛନ୍ତି ।
ବୀର ସୈନିକ ତଥା କାରଗିଲ ଯୁଦ୍ଧରେ ସର୍ବୋଚ୍ଚ ବଳିଦାନ ଦେଇଥିବା ସୈନିକମାନଙ୍କୁ ଶ୍ରଦ୍ଧାଞ୍ଜଳି ସ୍ୱରୂପ ରାଷ୍ଟ୍ରପତି ଏଭଳି ପଦକ୍ଷେପ ନେଇଛନ୍ତି । ସେ ରବିବାର ଦିଲ୍ଲୀର ସେନା ହସ୍ପିଟାଲ ଆର ଆଣ୍ଡ ଆରକୁ 20 ଲକ୍ଷ ଟଙ୍କାର ଏକ ଚେକ୍ ପ୍ରଦାନ କରିଛନ୍ତି ।
ତେବେ ଏନେଇ ରାଷ୍ଟ୍ରପତି ଭବନ ପକ୍ଷରୁ କୁହାଯାଇଛି, ରାଷ୍ଟ୍ରପତି ଭବନ ଆଗାମି ଦିନରେ କୋରୋନା ଯୋଦ୍ଧାଙ୍କ ପାଇଁ ଅଧିକ ଉତ୍ସ ଉପଲବ୍ଧ କରାଇବ । ରାଷ୍ଟ୍ରପତି ଏହା ପୂର୍ବରୁ ରାଷ୍ଟ୍ରପତି ଭବନରେ ବହୁ ପଦକ୍ଷେପ ଆରମ୍ଭ କରି ଖର୍ଚ୍ଚ ହ୍ରାସ କରିବାକୁ ନିର୍ଦ୍ଦେଶ ଦେଇଥିଲେ। ଏହି ପଦକ୍ଷେପର ଏକ ଅଂଶ ଭାବରେ ସେ ଏକ ଲିମୋଜାଇନ୍ କାର୍ କିଣିବା ପ୍ରସ୍ତାବକୁ ସ୍ଥଗିତ ରଖିଥିଲେ । ଏହାର ଅର୍ଥକୁ ସେ ଆନୁଷ୍ଠାନିକ ଉତ୍ସବରେ ବ୍ୟବହୃତ କରିବେ ବୋଲି କହିଥିଲେ । ରାଷ୍ଟ୍ରପତିଙ୍କ ସମର୍ଥନ କୋରୋନା ଯୋଦ୍ଧାଙ୍କୁ ଏକ ନିରାପଦ, ଅନୁକୂଳ ପରିବେଶ ଯୋଗାଇବାରେ ସାହାଯ୍ୟ କରିବ । ଯାହା ଦ୍ବାରା ସେମାନେ ନିଜ ସାମର୍ଥ୍ୟ ଅନୁଯାୟୀ କାର୍ଯ୍ୟ କରିପାରିବେ ।
ରାଷ୍ଟ୍ରପତିଙ୍କ ଏହି ପଦକ୍ଷେପ ସଞ୍ଚୟ ବ୍ୟବହାର କରିବାରେ ଲୋକଙ୍କୁ ପ୍ରେରଣା ଯୋଗାଇବ ବୋଲି ଆଶା କରାଯାଉଛି।
