ଭୋପାଳ: ଶହ ଶହ ବର୍ଷ ପୁରୁଣା ପ୍ରାଚୀନ ହର୍ବାଲ ମସାଲାର ବ୍ୟବହାର କରି ଏକ ରୋଗ ପ୍ରତିରୋଧକ ଶକ୍ତି ବସ୍ତ୍ର ତିଆରି କରିଛି ମଧ୍ୟପ୍ରଦେଶ ହ୍ୟାଣ୍ଡଲୁମ୍ ଏବଂ ହସ୍ତତନ୍ତ ନିଗମ । ଏହି ବସ୍ତ୍ରରେ ଭରପୂର ମାତ୍ରାରେ ରୋଗ ପ୍ରତିରୋଧକ କ୍ଷମତା ରହିଛି । ଯାହା ଲୋକଙ୍କ ଚର୍ମର ପ୍ରତିରୋଧକ ଶକ୍ତି ବଜାୟ ରଖିବ ବୋଲି କୁହାଯାଉଛି ।
ରାଜଧାନୀ ଭୋପାଳରେ ବିକଶିତ କରାଯାଇଥିବା ଏହି ସ୍ବତନ୍ତ୍ର ଆୟୁର୍ବେଦିକ ଔଷଧୀୟ ବସ୍ତ୍ରକୁ ଭୋପାଳ-ଇନ୍ଦୋର ପରେ ଦେଶର 36ଟି ସ୍ଥାନରେ ଥିବା ଏହାର କେନ୍ଦ୍ରରେ ବିକ୍ରି କରାଯିବ । ରୋଗ ପ୍ରତିରୋଧକ କ୍ଷମତାଧାରୀ ଏହି ବସ୍ତ୍ରକୁ ଭଲ ପ୍ରତିକ୍ରିୟା ମଧ୍ୟ ମିଳିଛି । ଏହାକୁ ଦେଖି ମଧ୍ୟପ୍ରଦେଶର ହସ୍ତତନ୍ତ ଏବଂ ହସ୍ତତନ୍ତ ବିକାଶ ନିର୍ଦ୍ଦେଶାଳୟ ଏହି ଆୟୁର୍ବେଦିକ ଔଷଧୀୟ ବସ୍ତ୍ରକୁ ରାଜ୍ୟ ତଥା ରାଜ୍ୟ ବାହାରେ ଥିବା 36ଟି କେନ୍ଦ୍ରରେ ବିକ୍ରି କରିବାକୁ ନିଷ୍ପତ୍ତି ନେଇଛନ୍ତି ।
ହ୍ୟାଣ୍ଡଲୁମ୍ ଏବଂ ହସ୍ତତନ୍ତ ବିକାଶ ନିର୍ଦ୍ଦେଶାଳୟ ରାଜୀବ ଶର୍ମାଙ୍କ କହିବାନୁଯାୟୀ, ଦେଶର ବିଭିନ୍ନ ସ୍ଥାନରେ ମୃଗନୟନୀ ଏମ୍ପୋରିୟମ ନାମରେ 36ଟି ହ୍ୟାଣ୍ଡଲମ ଏବଂ ହସ୍ତତନ୍ତ କେନ୍ଦ୍ର ପ୍ରତିଷ୍ଠା କରାଯାଇଛି । ଏହି କେନ୍ଦ୍ର ଗୁଡିକରେ ଏହି ବସ୍ତ୍ର ଗୁଡିକୁ ବିକ୍ରି କରିବା ପାଇଁ ରଖାଯିବ । ସେଥିମଧ୍ୟରୁ ମଧ୍ୟପ୍ରଦେଶ ବାହାରେ 14ଟି କେନ୍ଦ୍ର ଅଛି । ଏଥିରେ ଗୋଆ, ମୁମ୍ବାଇ, ନୋଏଡା, ନୂଆଦିଲ୍ଲୀ, ଅହମ୍ମଦାବାଦ, ଗୁଜୁରାଟର କେଭାଡିଆ ଗ୍ରାମ, ଜୟପୁର, କାଲିଘାଟ, କୋଲକାତା, ବେଙ୍ଗାଲୁରୁ, ଚେନ୍ନାଇ, ହାଇଦ୍ରାବାଦ, ରାୟପୁର ରହିଛି ।
ସେହିପରି ମଧ୍ୟପ୍ରଦେଶର ଭୋପାଳ ବ୍ୟତୀତ ଗ୍ୱାଲିୟରର ତାନସେନ୍ ହୋଟେଲ, ସାରଫା ବଜାର ଗ୍ୱାଲିୟର, ପାଲିକା ପ୍ଲାଜା ଇନ୍ଦୋର, ଡୋଡି କାଉଣ୍ଟର ସିହୋର, ଖଜୁରାହୋ, ଔରଚ୍ଛା, ପାଚମଣ୍ଡୀ, ଜବଲପୁର, ସାଞ୍ଚି, ମହେଶ୍ୱର, ଛିନ୍ଦୱାଡା, ସାଗର, ବୌତୁଲ, ହୋଶାଙ୍ଗବାଦ, ମଣ୍ଡଦୀପ ଏବଂ ଚନ୍ଦୋରୀରେ ମଧ୍ୟ ମୃଗନୟନୀର ଶୋ' ରୁମରୁ ଏହି ପୋଷାକ ବିକ୍ରି କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
