ପାଟନା: 2019 ଲୋକସଭା ନିର୍ବାଚନରେ ଫୋକସରେ ରହିଛି ବେଗୁସରାୟ । ଏହି ଆସନରେ ଚଳିତ ଥର ଦେଖିବାକୁ ମିଳିବ ତ୍ରିମୁଖୀ ଲଢେଇ । ଆରଜେଡି ଏବଂ ବିଜେପି ପ୍ରାର୍ଥୀଙ୍କୁ ଟକ୍କର ଦେବା ଲାଗି ମୈଦାନକୁ ଓହ୍ଲାଇଛନ୍ତି ଜେଏନୟୁ ଛାତ୍ର ସଙ୍ଘର ପୂର୍ବତନ ଅଧ୍ୟକ୍ଷ କହ୍ନେୟା କୁମାର । ସେ ସିପିଆଇରୁ ନିଜ ପ୍ରାର୍ଥୀପତ୍ର ଦାଖଲ କରିଛନ୍ତି । କହ୍ନେୟା ନିଜ ବିରୋଧୀଙ୍କୁ କଡା ଟକ୍କର ଦେବେ ବୋଲି ଚର୍ଚ୍ଚା ହେଉଛି ।
ତେବେ ବଲିଉଡର ଜଣାଶୁଣା କଳାକାର ମଧ୍ୟ ଏନେଇ କହ୍ନେୟାଙ୍କୁ ସମର୍ଥନ ଦେଉଛନ୍ତି । ତାଙ୍କ ପାଇଁ ପ୍ରଚାର ମୈଦାନକୁ ଓହ୍ଲାଉଛନ୍ତି କଳାକାରମାନେ । ପ୍ରଥମେ ସ୍ବରା ଭାସ୍କର ଆଉ ଏବେ ବଲିଉଡର ନାମୀ କଳାକାର ତଥା ଏବେ ଏବେ ରାଜନେତା ପାଲଟିଥିବା ପ୍ରକାଶ ରାଜ । କହ୍ନେୟାଙ୍କ ପ୍ରଚାର ପାଇଁ ସେ ପହଞ୍ଚିଛନ୍ତି ବେଗୁସରାୟ । କହ୍ନେୟାଙ୍କୁ ଭୋଟ ଦେବାକୁ ଲୋକଙ୍କୁ ଅନୁରୋଧ କରିଛନ୍ତି ସେ ।
ସୂଚନାଯୋଗ୍ୟ ଯେ, ପ୍ରକାଶ ରାଜ ମଧ୍ୟ ଚଳିତ ଲୋକସଭା ନିର୍ବାଚନ ଲଢୁଛନ୍ତି । ସେ କର୍ଣ୍ଣାଟକର ବେଙ୍ଗାଲୁରୁ ସେଣ୍ଟ୍ରାଲ ଆସନରୁ ସ୍ବାଧୀନ ପ୍ରାର୍ଥୀ ଭାବେ ଲଢିବେ ।
