ମୁମ୍ବାଇ: ଜଣେ ମଣିପୁରୀ ମହିଳାଙ୍କ ଉପରକୁ ଛେପ ପକାଇ ଯୁବକ ଗିରଫ । ଏପରି ଘଟଣା ଘଟିଛି ମହାରାଷ୍ଟ୍ର ମୁମ୍ବାଇର କଲିନା ଅଞ୍ଚଳରେ । ଏନେଇ ମାମଲା ରୁଜୁ ପରେ ଅଭିଯୁକ୍ତଙ୍କୁ ଗିରଫ କରିଛି ମୁମ୍ବାଇ ପୋଲିସ ।
ସୂଚନାମୁତବାକ, ଏପ୍ରିଲ 6 ତାରିଖ ସଂଧ୍ୟା ସମୟରେ ମହିଳା ଜଣଙ୍କ ତାଙ୍କ ଭଉଣୀଙ୍କ ସହ ଗ୍ରୋସରୀ କିଣୁଥିଲେ । ଏହି ସମୟରେ ମୁମ୍ବାଇ କୁର୍ଲା ଅଞ୍ଚଳର ମହମ୍ମଦ ଅମୀର ନାମକ ଜଣେ 23 ବର୍ଷୀୟ ଯୁବକ ଗାଡିରେ ଆସି ମୁହଁରୁ ମାସ୍କ ବାହାର କରି ମଣିପୁରୀ ମହିଳାଙ୍କ ଉପରକୁ ଛେପ ପକାଇଥିଲେ । ଏନେଇ ମହିଳା ଜଣଙ୍କ ଥାନାରେ ଏତଲା ଦେଇଥିଲେ ।
ଏତଲାକୁ ଆଧାର କରି ପୋଲିସ ସିସିଟିଭି ଫୁଟେଜ ମାଧ୍ୟମରେ ଉକ୍ତ ଯୁବକଙ୍କୁ ଚିହ୍ନଟ କରିବାରେ ସକ୍ଷମ ହୋଇଥିଲା । ତେବେ ଉକ୍ତ ଅଭିଯୁକ୍ତ ଜଣକ ଜଣେ ଦୋକାନୀ ବୋଲି ଜୋନ-8 ର ଡେପୁଟି କମିଶନର ମଞ୍ଜୁନାଥ ସିନ୍ଧେ କହିଛନ୍ତି । ଆଇପିସି ଧାରା 270 ଓ 352 ଧାରା ଅନୁଯାୟୀ, ଗିରଫ କରାଯାଇଛି ।
