ଅହମ୍ମଦାବାଦ: ରାଷ୍ଟ୍ରୀୟ ଏକତା ଦିବସରେ ପ୍ରଧାନମନ୍ତ୍ରୀଙ୍କ ଉଦବୋଧନ । ପାକିସ୍ତାନ ସଂସଦରେ ପୁଲୱାମା ଆକ୍ରମଣ ସ୍ବୀକୃତ୍ବ ପରେ ପ୍ରଥମ ଥର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତିକ୍ରିୟା ଦେଇଛନ୍ତି । ପୁଲୱାମା ଆକ୍ରମଣରେ ସ୍ବାର୍ଥ ରାଜନୀତିକୁ ନେଇ ବିରୋଧୀଙ୍କୁ ଟାର୍ଗେଟ କରିଛନ୍ତି ପିଏମ ।
ପୁଲାୱାମା ଆକ୍ରମଣରେ ଯବାନମାନେ ବଳିଦାନ ଦେଇଥିଲେ । ହେଲେ ଏହି ସମୟରେ ବିରୋଧୀଙ୍କ ସ୍ବାର୍ଥ ରାଜନୀତି କଦାପି ଦେଶବାସୀ ଭୁଲିବେ ନାହିଁ । ପାକିସ୍ତାନ ସାଂସଦରେ ପୁଲୱାମା ଆକ୍ରମଣ ସ୍ବୀକାର କରି ନିଜର ଅସଲି ଚେହେରାକୁ ପର୍ଦ୍ଦାଫାସ କରିଛି । ଏହା ପରେ ବିରୋଧୀଙ୍କ ମୁଖା ଖୋଲିଛି ବୋଲି ସେ କହିଛନ୍ତି ।
ଦେଶର ସମସ୍ତ ରାଜନୈତିକ ଦଳକୁ ଦେଶର ସୁରକ୍ଷା ହିତରେ ଓ ସୁରକ୍ଷାବଳଙ୍କ ମନୋବଳ ଦିଗରେ କୌଣସି ରାଜନୈତିକ ନ କରିବାକୁ ମୋଦି ନିବେଦନ କରିଛନ୍ତି । ସ୍ବାର୍ଥତା ପାଇଁ ଜାଣତରେ ହେଉ କି ଜାଣିଶୁଣି ଦେଶଦ୍ରୋହୀଙ୍କ ସହ ହାତ ମିଳାଇଲେ କାହାର ଉଚିତ ହେବ ନାହିଁ ବୋଲି ମୋଦି କହିଛନ୍ତି।
ସର୍ବଦା ମନେ ରଖିବାକୁ ହେବ ଆମର ଗୋଟିଏ ସ୍ବାର୍ଥ ଦେଶ ହିତ । ଯେତେବେଳେ ଆମେ ସମସ୍ତଙ୍କ ହିତ ବିଷୟରେ ଚିନ୍ତା କରିବା ତେବେ ଆମର ଅଗ୍ରଗତି ସାଙ୍ଗକୁ ଉନ୍ନତି ହେବ ।
ଏଥିସହ ଆତଙ୍କବାଦୀ ସମଗ୍ର ବିଶ୍ବ ପାଇଁ ବଡ ଚିନ୍ତାର ବିଷୟ ପାଲଟିଛି । ଆତଙ୍କବାଦ ବିରୋଧରେ ପୁରା ବିଶ୍ବକୁ ଏକଜୁଟ ହେବାକୁ ପଡିବ । ବିବିଧତାରେ ଏକତା ଆମର ପରିଚୟ । ଏହାକୁ ଭାଙ୍ଗିବାକୁ ଅହରହ ଉଦ୍ୟମ ଜାରି ରହିଛି । ହେଲେ ଏକତା ହିଁ ଅଦ୍ବିତୀୟ ବୋଲି ସେ କହିଛନ୍ତି ।
ଏଥିସହ ପୁରା ବିଶ୍ବକୁ କୋରୋନା ମହାମାରୀ ପ୍ରଭାବିତ କରିଛି । ମହାମାରୀର ମୁକାବିଲାରେ ଦେଶବାସୀଙ୍କ ଉଦ୍ୟମକୁ ପିଏମ ପ୍ରଶଂସା କରିଥିଲେ । କୋରୋନା ବିପକ୍ଷରେ ଏକ ଦେଶବାସୀ ଲଢୁଛନ୍ତି ବୋଲି ମୋଦି କହିଛନ୍ତି ।
