ନୂଆଦିଲ୍ଲୀ: ଧୀରେ ଧୀରେ ମାଡି ଚାଲିଛି କୋରୋନା। ଦେଶର ସବୁ ରାଜ୍ୟରେ ଛାଇଯାଇଛି ଏହି ଅଦୃଶ୍ୟ ମହାମାରୀ। ହେଲେ ସେଥିମଧ୍ୟରୁ ସାଙ୍ଘାତିକ ପରିସ୍ଥିତି ଦେଇ ଗତି କରୁଛନ୍ତି 7 ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ। ତେବେ ଉକ୍ତ ରାଜ୍ୟରେ କୋଭିଡ୍ ସ୍ଥିତିର ସମୀକ୍ଷା କରିବା ପାଇଁ ଆଜି ପ୍ରଧାନମନ୍ତ୍ରୀ ସେଠାକାର ମୁଖ୍ୟମନ୍ତ୍ରୀ ଓ ସ୍ବାସ୍ଥ୍ୟମନ୍ତ୍ରୀଙ୍କ ସହ ଏକ ଉଚ୍ଚ ସ୍ତରୀୟ ଭର୍ଚୁଆଲ୍ ବୈଠକର ଅଧ୍ୟକ୍ଷତା କରିବେ।
ସେହି ସବୁ ରାଜ୍ୟଗୁଡିକ ହେଲା ମହାରାଷ୍ଟ୍ର, ଆନ୍ଧ୍ରପ୍ରଦେଶ, କର୍ଣ୍ଣାଟକ, ଉତ୍ତରପ୍ରଦେଶ, ତାମିଲନାଡୁ, ଦିଲ୍ଲୀ ଏବଂ ପଞ୍ଜାବ । ଦେଶର 63% ରୁ ଅଧିକ ସକ୍ରିୟ ମାମଲା ଏହି ସାତୋଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରେ ରହିଛି । ମୋଟ ନିଶ୍ଚିତ ହୋଇଥିବା ମାମଲାର 65.5 ପ୍ରତିଶତ ଏବଂ ମୋଟ ମୃତ୍ୟୁର 77 ପ୍ରତିଶତ ମଧ୍ୟ ରହିଛି।
ପ୍ରଭାବଶାଳୀ ସହଯୋଗ ତଥା ରାଜ୍ୟ ତଥା କେନ୍ଦ୍ରଶାସିତ ସରକାରଙ୍କ ସହ ଘନିଷ୍ଠ ସମନ୍ୱୟ ରକ୍ଷା କରି କେନ୍ଦ୍ର ଦେଶରେ ମହାମାରୀ ବିରୋଧରେ ସଂଗ୍ରାମର ନେତୃତ୍ୱ ନେଇଛି। ସ୍ୱାସ୍ଥ୍ୟସେବା ଏବଂ ଚିକିତ୍ସା ଭିତ୍ତିଭୂମି ବୃଦ୍ଧି ପାଇଁ କେନ୍ଦ୍ର ସରକାର ସେମାନଙ୍କୁ ସମର୍ଥନ କରୁଛନ୍ତି।
ଅନ୍ୟପଟେ ଆଇସିୟୁ ପରିଚାଳନା କରୁଥିବା ଡାକ୍ତରଙ୍କ କ୍ଲିନିକାଲ ପରିଚାଳନା କ୍ଷମତା ଇ-ଆଇସିୟୁ ଟେଲିକନସଲଟେସନ୍ ବ୍ୟାୟାମ ମାଧ୍ୟମରେ ଯଥେଷ୍ଟ ଉନ୍ନତ ହୋଇଛି। ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଗୁଡିକ ସହିତ ଉଚ୍ଚ ସ୍ତରୀୟ ସମୀକ୍ଷା କରି ସମସ୍ତ ସୁବିଧାର ଉପଲବ୍ଧତାକୁ ସୁନିଶ୍ଚିତ କରିଛି।
