ରାଞ୍ଚି: କଂଗ୍ରେସ ଏବଂ ତାର ସହଯୋଗୀ ଦଳକୁ ମୋଦିଙ୍କ ଚ୍ୟାଲେଞ୍ଜ । ଦମ୍ ଥିଲେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ନାମରେ ନିର୍ବାଚନ ଲଢି ଦେଖାଇବାକୁ ଖୋଲାଖୋଲି ଭାବେ ଚ୍ୟାଲେଞ୍ଜ ଦେଲେ ମୋଦି ।
ଆଜିର ପର୍ଯ୍ୟାୟ ତ ଶେଷ ହୋଇଛି, କିନ୍ତୁ ଦମ୍ ଅଛି ତ ଆସନ୍ତା 2 ଟି ପର୍ଯ୍ୟାୟ ନିର୍ବାଚନରେ ପୂର୍ବତନ ପ୍ରଧାନମନ୍ତ୍ରୀଙ୍କ ନାମ ଏବଂ ବୋଫୋର୍ସ ମୁଦ୍ଦାକୁ କେନ୍ଦ୍ର କରି ନିର୍ବାଚନ ଲଢି ଦେଖାଅ ବୋଲି କହିଛନ୍ତି ମୋଦି । ଝାଡଖଣ୍ଡର ଚାଇଁବସାରେ ଏକ ଜନ ସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଭଳି କହିଛନ୍ତି ।
ରାଜୀବ ଗାନ୍ଧୀଙ୍କୁ ଟାର୍ଗେଟ କରି ସେ କହିଛନ୍ତି, 'ମୁଁ କଂଗ୍ରେସ ପରିବାର ଏବଂ ତାର ସହଯୋଗୀଙ୍କୁ ଚ୍ୟାଲେଞ୍ଜ ଦେଉଛି । ଯଦି ଦମ୍ ଅଛି ତ ପୂର୍ବତନ ପ୍ରଧାନମନ୍ତ୍ରୀ ଯାହା ଉପରେ ବୋଫୋର୍ସ ଭ୍ରଷ୍ଟାଚାରର ଆରୋପ ଅଛି , ତାକୁ ପ୍ରସଙ୍ଗ କରି ମୈଦାନକୁ ଓହ୍ଲାଓ । ତାଙ୍କ ମାନ-ସମ୍ମାନର ମୁଦ୍ଦା ନେଇ ଦିଲ୍ଲୀରେ ନିର୍ବାଚନ ଲଢିକି ଦେଖାଅ ।'
