ବାରାଣାସୀ: ନାମାଙ୍କନ ଦାଖଲ ପାଇଁ ବାରାଣାସୀ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆସନ୍ତାକାଲି(ଶୁକ୍ରବାର) ନିଜ ନାମାଙ୍କନ ଦାଖଲ କରିବେ ସେ । ଏହା ପୂର୍ବରୁ ଏକ ଭବ୍ୟ ରୋଡ ଶୋ' ମାଧ୍ୟମରେ ନିଜ ଶକ୍ତି ପ୍ରଦର୍ଶନ କରୁଛନ୍ତି ମୋଦି । ଏହା ପ୍ରାୟ 5 କିଲୋମିଟର ଯାଏ ଚାଲିବି ।
କାଶୀ ହିନ୍ଦୁ ବିଶ୍ବ ବିଦ୍ୟାଳୟ ବାହାରେ ଥିବା ମଦନ ମୋହନ ମାଲବୀୟଙ୍କ ପ୍ରତିମାରେ ମାଲ୍ୟାର୍ପଣ କରିବା ପରେ ନିଜ ରୋଡ ଶୋ' ଆରମ୍ଭ କରିଛନ୍ତି ପିଏମ । ପିଏମଙ୍କ ଏହି ରୋଡ ଶୋ'ରେ ଖଚାଖଚ ଭିଡ ଦେଖିବାକୁ ମିଳିଛି । ନିଜ ଗାଡିରେ ଚଢି ଲୋକଙ୍କ ଅଭିବାଦନ ସ୍ବୀକାର କରୁଛନ୍ତି । ବିଏଚୟୁରୁ ଦଶ୍ବାଶମେଧ ଘାଟ ଯାଏଁ ଚାଲିବ ମୋଦିଙ୍କ ମେଗା ଶୋ । ତେବେ ପିଏମଙ୍କୁ ଦେଖିବା ପାଇଁ କିଏ ଛାତ ଉପରେ ଚଢି ଯାଇଛି ତ କିଏ ମୋଦି ଚାଳିଶା ଗାଇବା ଦେଖିବାକୁ ମିଳିଛି ।
ପିଏମଙ୍କ ଏହି ରୋଡ ଶୋ'ରେ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବ୍ୟତୀତ ବିଜେପିର ବହୁ ହେଭିୱେଟ ସାମିଲ ଅଛନ୍ତି ।
